जडिबुटी खेति व्यवसाय गर्नाले फाइदाजनक

म्याक्दी , खोज मिडिया ६ भदौ । म्याग्दी जिल्ला धौलागिरी गाउँपालिका वडा नं –१ गुर्जामा जडीबुटीको व्यावसायिक खेती विस्तार गरिएको छ । स्थानीय हिमाली कृषि सहकारीअन्तर्गत रहेको कृषक समूहले गतवर्षदेखि सामूहिकरूपमा जडीबुटीको खेती सुरुआत गरेका छन ।

कृषक समूहले यस वर्ष करिब दुई रोपनी जग्गामा अतिसको खेती विस्तार गरेको बताएको छ । समूहका अध्यक्ष गोर्खा छन्त्यालले बजारमा जडीबुटीका रूपमा अतिसको माग उच्च रहेकोले व्यावसायिक खेती गरिएको बतायेका हुन् ।

अतिसलाई पेटमा पर्ने जुका मार्न र शक्तिवद्र्धक औषधिका रूपमा समेत प्रयोग गरेको पाईएको छ । यो स्थान समुन्द्री सतहदेखि दुई हजार ७०० मिटर उचाइमा रहेको पाइन्छ । प्राय जसो हिमाली कृषक समूहले स्थानीय टिउथिबा सामुदायिक वनको साढे दुई हेक्टर पाखो जग्गा भाडामा लिएर जडीबुटी खेती थालेको वडाध्यक्ष झकबहादुर छन्त्यालले बताईका छन ।

उनका अनुसार खेर गएको जग्गालाई उपयोग गरी स्थानीयवासीको आयआर्जन वृद्धि गर्ने र रोजगार सिर्जना गर्ने उद्देश्यले जडीबुटी खेतीलाई प्राथमिकता दिइएको जनाएको छ । *यहाँ जडीबुटीको प्रशस्त सम्भावना छ! सम्भावनको उजागरमा हामीले जोड दिएका छौँ! जडीबुटी खेतीबाट निकट भविष्यमा प्रतिफल आउने हाम्रो अपेक्षा छ*, उनले भने ।

यस समूहले हालै उच्च घनत्वमा हुने स्याउको खेतीसमेत सुरु गरेको बताएको छ । माटो परीक्षणलगायतको सम्भावना अध्ययन गरी यस वर्ष ७०० स्याउ, सात हजार बिसजरा र सतुवाका बिरुवा रोपण गरिइएका छन ।