अपाङ्गता भएका महिलालाई “वी नेपाल” को १५ दिने सीपमुलक तालिम

काठमाडौं, खोज मिडिया ३२ साउन । एबिलिसि फाउण्डेशनको आर्थिक सहयोगमा वी नेपालले १५ जना अपाङग्ता भएका महिलालाई हस्तकला सम्बन्धि पोतेको माला तथा गहना बनाउने सीपमुलक तालिम प्रदान गरेको छ ।

अपाङगता भएका महिलाको आर्थिक सशक्तिकरण होस भन्ने मर्मका साथ एबिलिस फाउण्डेशन फिनल्याण्डको सहयोगमा वी नेपालले सो तालिम प्रदान गरेको हो । अगष्ट १५ तारिक आइतवारका दिन तालिमको समापन गर्दै एबिलिस फाउण्डेशनका नेपाल संयोजक डा. बीरेन्द्रराज पोखरेलले तालिम लिएका महिलाहरुलाई प्रमाणपत्र बितरण गर्दै यसले अपाङग्ता भएका महिलालाई आत्मनिर्भर बन्न सहयोग पुग्ने बताएका छन ।

फाउण्डेशनका नेपाल संयोजक पोखरेलले उक्त तालिमबाट प्राप्त दक्षता र सीपको उच्चतम प्रयोग गरेर अपाङग्ता भएका महिलाहरुको जीवनमा आर्थिक क्रियाशिलता बृद्वि हुनेमा आफु विश्वस्त रहेको बताए । भूकप्मबाट प्रभावित भई परिवारका सदस्य तथा सम्पति समेत गुमाएका महिलालाई यस तालिमले आर्थिक सबलीकरणको लागि ठोस योग्दान पुर्याउने कुरामा विश्वास पोखरेलले व्यक्त गरे । समापन समारोहमा वी नेपालकी अध्यक्ष साबु पौड्यालले संस्थाले ५ बर्षदेखि अ पाङ गता भएका महिलालाई सीपमुलक तालिम प्रदान गर्दै आएको बताईन ।

उनले सीपमुलक तालिम लिएका महिलाहरुले उत्पादन गरेको सामाग्रीको बजारीकरणमा समेत वी नेपालले समन्वय गर्ने बताईन । कार्यक्रममा तालिम प्राप्त गरेका महिलाहरुले तालिमले आफुहरुमा आत्मविश्वासको बृद्वि भएको प्रतिक्रिया दिएका थिए । समापन समारोहमा राष्ट्रिय अपाङग महासंघकी संघीय सदस्य देवकला पराजुलीले तालिममा सहभागी महिलालाई बधाई तथा एबिलिस फाण्डेशन र वी नेपाललाई धन्यवाद व्यक्त गरेकी थिइन । एबिलसि फाउण्डेसनले अपाङगता भएका व्यक्तिहरुको आर्थिक सशत्तिकरण तथा क्षमता अभिवृद्विका लागि गरेको योग्दान अतुलनिय भएको पराजुलीले बताए ।

यसै प्रकृतिको कार्यक्रमको दोस्रो श्रृंखला धादिङ जल्लाका अपांगता भएका महिलाका लागि एबिलिस फाउण्डेशको सहयोगमा वी नेपालले संचालन गर्ने संस्थाकी अध्यक्षले जानकारी दिएकी छिन् । समापन समारोहमा रोटरी क्लव अफ जावलाखेलका उपाध्यक्ष तिलक तिवारी र एबिलिस फाउण्डेशन नेपालकी साहयक संयोजक लक्ष्मी देशारको समेत उपस्थिति रहेको थियो ।