दोस्रो कार्याकाल ठुलो चुनौती छ , प्रधिकरर्णलाई सफल पार्छु( कुलमान घिसिङ्ग )

रामेछाप , खोज मिडिया ३० साउन । दोश्रो पटक नेपाल बिद्युत प्राधिकरणको कार्यकारी निर्देशक नियुक्त भएका कुलमान घिसिङ शुक्रबार आफुले बाल्यकालमा पढेको रामेछापको डहु मावि पुगे। त्यहाँ पुगेर उनले खाली खुट्टा हिडेरै विद्यालय गएको स्मरण गरे।

उनले घरबाट नजिकै रहेको डहु मावि र एक घण्टा टाढा रहेको बेथान माविमा प्रारम्भिक शिक्षा हासिल गरेका थिए । डहु मावि भूतपूर्व विद्यार्थी समाजले शुक्रवार भक्तपुरमा आयोजना गरेको रजिता दोङ तामाङको उपचारार्थ संकलित सहयोग रकम हस्तान्तरण कार्यक्रममा बोल्दै कार्यकारी निर्देशक घिसिङले सरकारी विद्यालयमा पढेर पनि देशलाई योगदान दिन सकिने बताएका थिए ।

उनले भने!(डहु माविबाट पढेर आज म देशलाई योगदान दिने ठाउँमा आइपुगेको छ। आज आम नेपालीले माया गर्छन। यसको लागि मेहनत र धैर्यता चाहिन्छ ।) गाउँमा आफूले ठूलो शिक्षा लिएर नआएको बताउदै काठमाडौंमा आएर निकै मेहनत गरेर शिक्षा हासिल गरेको उनले बताएका थिए ।

*मेहनत र अनुशासन निकै महत्वपूर्ण हुन्छ*। घिसिङले भने! (म विद्युत प्राधिकरणको साधारण कर्मचारी हो। मर्यादा क्रमको हिसाबमा म पचासौ तहमा होला, तर आम नेपाली जनताले मलाई माया गर्नुभएको छ ।) दाेस्रो कार्यकाललाई आफूले निकै ठूलो चुनौती महशुस गरिरहेको बताउदै घिसिङले जस्तोसुकै चुनौतीलाई पनि सामना गरेर प्राधिकरणलाई सफल बनाएर छोडने बताएका छन ।

ठूले चुनौती छ। धेरै चिन्ता पनि लागेको छ! तर म कडा मेहनत गरेर प्राधिकरण र देशलाई फाइदा हुने काम गरेर देखाउछु। उनले भने ! घिसिङले रजिता तामाङलाई कडा मेहनत गरेर आगामी दिनमा सफल व्यक्ति बन्नको लागि आफ्नो तर्फबाट हुने सहयोग गर्ने प्रतिबद्धता दिएका छन ।