उपत्यकाका सीडीओहरुको बैठक हुदै , निषेधाज्ञामा थप कडाइ गरिने

काठमाडौं,खाेज मिडिया २६ साउन । काठमाडौं उपत्यका (काठमाडौँ, भक्तपुर र ललितपुर)का प्रमुख जिल्ला अधिकारी (सीडीओ)हरुको संयुक्त बैठक आज दिउँसो २ बजे बस्दैछ । पछिल्लो समय उपत्यकालगायतका जिल्लाहरुमा कोरोना भाइरस संक्रमणको जोखिम पुन: बढ्दै गएकाले यसबारे छलफल गर्न बैठक बस्न लागेको हो ।

बैठकले को रो नाको संक्र*मण बढ्दै गएको भन्दै रोकथाम तथा नियन्त्रणको लागि गरिएको निषे*धाज्ञा थप कडाई गर्ने तयारी गरेकाे काठमाडौँका सीडीओ कालीप्रसाद पराजुलीले जानकारी दिए ।

पराजुलीका अनुसार उपत्यकामा संक्रमण बढेकाले कडाइ गर्ने तयारी गरिएको छ । उपत्यकामा वैशाख १६ देखि जारी निषेधाज्ञा एक महिना यता खुकुलो बनाइए पनि सं*क्र*मण फेरि बढ्न थालेको स्वास्थ्य मन्त्रालयले जनाएको छ।