बाजुराको जगन्नाथमा बारीमै कुहिन थाले नास्पती

बाजुरा , खाेज मिडिया २६ साउन । जिल्लाको जगन्नाथ गाउँपालिकामा मेलको रुखमा कलमी गरेको नास्पती बारीमै कुहिन थालेको छ । जिल्ला कृषि ज्ञान केन्द्र बाजुराले केहि बर्ष अगाडी देखिनै मेलका रुखलाई कलमी गरेर नास्पती बनाउने अभियान चलाएको छ ।

सोहि अभियान अन्र्तगत जगन्नाथ गाउँपालिकामा मेलका रुख कलमी गरेर नास्पती बनाइएको थियो । कलमी गरेका रुखमा लागको नास्पती बारीमा कुहिन थालेको स्थानियले जानकारी दिएका छन् । बाटोको समस्याका कारण नास्पती बजार सम्म ल्याउन नपाउँदा नास्पती बारीमै कुहिएको कृषि ज्ञान केन्द्र बाजुराका सुचना अधिकारी मिनप्रसाद जैशीले मालिका जानकारी दिए ।

बाटो र बजारको समस्याकै कारण करिब १ सय क्यीन्टल बढी नास्पती बारीमै कुहिएकाे कृषि ज्ञान केन्द्र बाजुराले बताएको छ । नास्पती रसिलो र खानमा निकै मिठो हुने , जुस र वाईवनका लागी उपयोगी हुने गर्दछ् ।

यसको फार्मगेट मुल्य प्रति के.जी रु १५ हुने कृषि ज्ञान केन्द्र बाजुराले बताएको छ । जगन्नाथको नास्पती कुनै जुस उत्पादन कम्पनी, फर्म वा ठु्लो व्यापार गर्ने व्यापारीले खरिद गरिदिन कृषि ज्ञान केन्द्र बाजुराले आग्रह गरेको छ ।