रामेछाप सुनापतीको रजिता तामाङलाई आर्थिक सहयोग हस्तान्तरण

रोमन लामा
रामेछाप २४ श्रावण खोज मिडिया। रामेछाप जिल्ला सुनापती गाउँपालिका वडा नं-४, भल्वाडी  निवासी रजिता तामाङको स्वास्थ्य उपचारको खातिर पछिल्ला दिनहरुमा आर्थिक सहयोग गर्ने सहयोगी हातहरु जुटेको छ। यसै क्रममा २०७८-०४-२३ गते शनिवारका दिन S.L.C. ब्याच २०६९ को विशेष पहलमा १८ दिन सम्ममा चलाइएको “रजिता तामाङको लागि आर्थिक सङ्कलन  अभियान-२०७८”  मा जम्मा भएको रकम रु. २,८२,८५३।– (अक्षरुपी दुई लाख बयासी हजार आठ सय त्रिपन्न रुपैया मात्र) श्री डहू माध्यमिक विद्यालय,सुनापती-४, डहूका सहायक प्रधानाध्यापक श्री हिरालाल मोक्तानको हातबाट रजिता तामाङलाई हस्तान्तरण गरिएको थियो। 

सुरुवातमा सो कार्यक्रमको प्रमुख अतिथि श्री डहू माध्यमिक विद्यालय,सुनापती-४, डहूका प्रधानाध्यापक श्री दल बहादुर बल हुने भनिएकोमा प्र.अ. बल रामेछापबाट भक्तपुर कार्यक्रम स्थल जाने क्रममा बि.पि. राजमार्गको मङ्गलटार स्थित मोटरसाइकल दुर्घटना परी घाइते भएकोले  सहायक प्रधानाध्यापक मोक्तानले प्रमुख अतिथि बनाएको थियो। 

सो कार्यक्रमको विशेष अतिथि सामाजिक बहुउद्धेश्य सहकारी संस्था लि.को अध्यक्ष तथा समाजसेवी आदरणीय व्यक्तित्व श्री समिन लामा (खाइबा), अतिथिहरुमा श्री  डहु माध्यमिक विद्यालय,सुनापती-४, डहुको शिक्षक श्री राकेश लामा, शिक्षक श्री चक्र बहादुर मानन्धर, शिक्षिका  श्रीमती सुधा घिसिङ लगायत अन्य अतिथि गणहरुको उपस्थितिमा सङ्कलित रकम  रजिता तामाङलाई हस्तान्तरण गरी कार्यक्रम सम्पन्न भयो ।

उक्त रकम हस्तान्तरण कार्यक्रमको सभापती S.L.C. ब्याच २०६९ को  “रजिता तामाङको लागि आर्थिक सङ्कलन अभियान-२०७८”  संयोजक सहारा तामाङले गर्नु भएको थियो। कार्यक्रम सम्बन्धि जानकारी सो कार्यक्रमको संयोजक  सहारा तामाङले खोज मिडियालाई टेलिफोन मार्फत जानकारी दिनु भएको छ।

•      
• उक्त रकम हस्तान्तरण कार्यक्रमको सभापती S.L.C. ब्याच २०६९ को  “रजिता तामाङको लागि आर्थिक सङ्कलन अभियान-२०७८”  संयोजक सहारा तामाङले गर्नु भएको थियो। कार्यक्रम सम्बन्धि जानकारी सो कार्यक्रमको संयोजक  सहारा तामाङले खोज मिडियालाई टेलिफोन मार्फत जानकारी दिनु भएको छ।