कुशल नृत्य निर्देशक बुद्ध लामा पुन: काठमाडौँ शाखाको अध्यक्षमा निर्वाचित

काठमाडौँ, साउन २४, खोज मिडिया । काठमाडौँ शाखाको नृत्य निर्देशक सङ्घ नेपालका अध्यक्षमा पुन बुद्ध लामा निर्वाचित भएको छ ।

सङ्घको नयाँ कार्य समितिमा दुई जना उपाध्यक्षमा अर्जुन तामाङ र महेश थापा, सचिवमा देवराज गुरुङ, सह सचिवमा छिरिङ लामा, कोषाध्यक्षमा ममता राई र सह–कोषाध्यक्षमा निरु फुँयाल निर्विरोध निर्वाचित भएका छन् भने सदस्यमा अनिल भुजेल, पूर्णबहादुर स्याङ्तान, लक्ष्मी पुरी, सरस्वती पोखरेल, समृद्धि पन्त र भक्त कुमार राई रहेको छ । पहिलो कार्यकालमा पनि लामाको नृत्वत्वमानै कार्यसमिति गठन भएको थियो । सभालाई सम्बोधन गर्दै नेपाली काँग्रेस बिपीका नुवाकोट जिल्ला सभापति एवं केन्द्रीय सदस्य श्यामबहादुर गुरुङले संस्कृति पुर्खाले संरक्षण गरेर गएको भए पनि पछिल्लो समय नेपाली कला संस्कृति अतिक्रमणमा परेको बताएका छन् । कलाकारलाई राज्यले सम्मान गर्नु पर्छ, कला संस्कृतिको जर्गेर्नामा राज्यको ध्यान जानुपर्छ ।

त्यस्तै नृत्य निर्देशक सङ्घ नेपालका केन्द्रीय अध्यक्ष भुवनदास श्रेष्ठले नृत्य निर्देशकको सिप कोरोनाका कारण १८ महिना प्रयोगमा नआउँदा समस्या भएको बताएका छन् । कार्यक्रममा जिल्ला शाखा काठमाडौँका सल्लाकार कमल राईले गाउँघरमा विना निर्देशन राम्रो नाच्न सक्नेहरू रहेको भन्दै घरघरमा नृत्य गर्न सक्ने क्षमता भएका व्यक्तिहरू रहेको तर्क गरे । सबैले कला संस्कृतिको सम्मान गर्नुपर्ने र कोरोनाले समस्या भयो भनेर बस्नु भन्दा पनि कोरोनाको डटेर सामना गर्नुपर्ने उनले बताएका छन् । नेपाल र नेपाली सबै प्यारो रहेको भन्दै यही प्यारोपन र सौन्दर्यताका कारण आफू मुम्बई नफर्केको हो, उनले भने ।

त्यस्तै अर्का सल्लाकार केपी पौड्यालले नृत्य ब्रम्हान्डको सञ्चार भएको बताएका छन् । नाचले मानिसको शरीरमा ऊर्जा बढाउने काम गर्ने भन्दै ‘जो नाच्न त्यो धेरै बाँच्च’ भन्ने उक्ति प्रचलनमा आएको उनले बताए । चलायमान नहुँदा मेसिनमा खिया लागेजस्तै मानिसको शरीरमा पनि खिया लाग्ने भन्दै शरीर चलायमान बनाउनका लागि पनि नृत्य अति नै अवश्य रहेको उनको भनाइ छ । धेरै नृत्यहरू लोप हुँदै गइरहेको भन्दै त्यसको संरक्षण गर्नु पर्ने उनले बताए ।

कार्यक्रममा नृत्य निर्देशक सङ्घ भक्तपुर शाखाका अध्यक्ष चूडामणि फुँयाल, ललितपुर शाखाका सचिव मिर्नरवा शर्मा राजोपाध्याय तथा पत्रकार महासङ्घ उपत्यका समितिका सदस्य अर्जुनबहादुर तामाङ लगायतले शुभकामना मन्तव्य व्यक्त गरेका थिए।
पछिल्लो समय अतिनै ब्यस्त नृत्य निर्देशक बुद्ध लामा उहाको कार्यकाल सफल रहोस खोज मिडिया परिवार हार्दिक मंगलमय शुभकामना ब्यक्त गर्दछौ।