(कोभिसिल्ड) को दोस्रो डोज लगाउन नपाएका साढे १३ लाख बढीलाई साउन २५ देखि खोप दिइने

पोखरा , खोज मिडिया २३ साउन । सरकारले (कोभिसिल्ड) खोपको पहिलो डोज लगाएर दोस्रो डोज लगाउन नपाएका साढे १३ लाख बढी मानिसलाई साउन २५ गतेदेखि खोप खोप शाखाका प्रमुख डा.झलक गौतमले १३ लाख ६८ हजार मानिस कोभि*सिल्डको पहिलो डोज लगाएर दोस्रो डोजको पर्खाइमा रहेकाले ती मानिसहरूलाई साउन २५ गतेदेखि दोस्रो डोज दिन सुरू गरिने सुचना प्रकासित गरेका छन ।

शुक्रबार भुटानले २ लाख ३० हजार (एस्ट्राजेनेका) को खोप नेपाललाई दिएसँगै दोस्रो डोजको पर्खाइमा रहेकाहरूलाई खोप दिन लागिएको हो । साथै आज र भोलि गरेर जापानबाट थप ८ लाख खोप आइपुग्ने भन्दै डा.गौतमले ती सबै खोप दोस्रो डोज लगाउन बाँकी रहेकाहरूलाई दिइने बताएका छन । उनले भुटानबाट आएको खोप आजै काठमाडौं आसपासका जिल्लाहरूमा पठाउन सुरू गरिएको पनि जनाकारी दिएका छन ।

अब जापानबाट थप खोप आएपछि प्रदेश नम्बर १ र प्रदेश नम्बर २ बाहेकका प्रदेशमा साउन २५ गतेदेखि खोप दिन सुरू गरिने गरी तयारी भएको उनले बताए । प्रदेश १ र २ मा अलिकति ढिला हुनसक्छ । तर बाँकी प्रदेशहरूमा भने साउन २५ गतेदेखि खोप दिन सुरू गर्ने गरी तयारी भएको छ ! डा.गौतमले बताए छन !