विद्युतीय धरापमा पर्दा बैतडीमा दुई दाजुभाइको ज्या*न गयो

बैतडी, २१ साउन, खोज मिडिया । बँदेलका लागि बिच्छयाइएको विद्युतीय धरापमा पर्दा बैतडीमा दुई दाजुभाइको ज्या*न गयो ।

करेन्ट लागेर सुर्नया गाउँपालिका–५ स्वालीका २१ वर्षीय सन्तोष चन्द र १८ वर्षीय अमृत चन्दको ज्या*न गएको हो । बुधबार राति घर नजिकै रहेको मकैबारीमा बँदेलका लागि बिच्छयाइएको बिजुलीको तारमा पर्दा उनीहरूको ज्यान गएको बैतडीका प्रहरी निरीक्षक बोधराज ओझाले जानकारी दिए ।

उनका अनुसार बँदेल मार्न मकैबारीमा करेन्ट छाडिएको थियो । उनीहरू बँदेल धपाउन मकैबारी गएका बेला करेन्ट लागेको भन्ने अनुमान गरिएको छ ।