औषधी खाने बित्तिकै दुई बालबालिकाको निधन (दिल्ली)

नयाँदिल्ली,खोज मिडिया २० साउन । भारतको दिल्लीस्थित एक क्लिनिकबाट औषधि किनेर खाएलगत्तै दुई नेपाली बालबालिकाको मृ*त्यु भएको छ ।

दिल्लीको शालिमारबागमा बस्दै आएका बाजुराको बुढीगंगा नगरपालिका–५ का मानबहादुर विककी ६ वर्षीया छोरी लक्ष्मी र तीन वर्षीय छोरा विशालको मृ*त्यु भएको छ ।

बान्ताको समस्या देखिएपछि सोमबार स्थानीय शुभम डाइग्नोसिस सेन्टर नामक क्लिनिकमा गएर औषधि किनेर विकले छोराछोरीलाई खुवाएका थिए ।

क्लिनिकका डाक्टर बेदकुुमार गर्गले दिएको उक्त औषधि खाएपछि १०–१० मिनेटको फरकमा दुवै दिदी–भाइको मृ*त्यु भएको अखिल भारत नेपाली एकता मञ्चका केन्द्रीय सचिव आरबी खड्काले बताएका छन ।