नेता नेपाल र ओली बीच भेटवार्ता हुदै

काठमाडौँ , खोज मिडिया १९ साउन । नेकपा एमालेका अध्यक्ष केपी शर्मा ओली र वरिष्ठ नेता माधवकुमार नेपालबीच आज भेटवार्ता हुने जनाएको छ । एमाले संसदीय दलका उपनेता सुवास नेम्वाङले दुई नेताबीच मंगलबार भेटवार्ता हुने सम्भावना रहेको बताएको थियो ।

उनिहरूबीच आज भेट हुने तयारीमा छन । समय अझै टुंगो भइसकेको छैन । नेम्वाङले बताए । यसअघि ओलीनि*कट नेताहरू नेम्वाङ र विष्णु पौडेलले वरिष्ठ नेता नेपालसँग पटक-पटक कुरा गरेका थिए। विवाद समाधान गर्न बनेको कार्यदलमा ओली समूहका तर्फबाट संयोजकसमेत रहेका नेम्वाङले कतिपय कुरा ओली र नेपाल बसेर टुंग्याउन सक्ने भएकाले दुई जना भेट्नु पर्ने बताएका छन ।

यसअघि नेपाल ओलीसँग भेट्न इच्छुक नभएको पनि जनाएका थिए । एमालेमा लामो समयदेखि अध्यक्ष ओली र नेता नेपालबीच विभिन्न विषयमा कुरा मिलेको छैन । पछिल्लो समय नेपाली कांग्रेसका सभापति शेरबहादुर देउवालाई नेता नेपालसहित एमालेका २२ सांसदले विश्वासको मत दिएका थिए । अध्यक्ष ओलीले नेता नेपाललाई एमालेमा कुनै ठाउँ नभएको बताउँदै आएका छन् । आन्तरिक वि*वाद चुलिएको अवस्थामा उनीहरूबीच भेटवार्ताको तयारी भइरहेको जनाएका छन ।