चितवनमा बिरामी जाँचेर बसेका डाक्टरको पढाई जम्मा ८ कक्षा पास रहेकाे खुलासा

चितवन, खाेज मिडिया १२ साउन । चितवनको राप्ती नगरपालिका वार्डनं:-१२ स्थित देउरालीटारमा लोथर स्वास्थ्य चौकी छ । बिरामी त्यति नजाने भएकाले प्रायः सुनसान देखिन्छ, तर त्यही स्वास्थ्य चौकीबाट सय मिटर दूरीमा रहेको मेडिकलमा जँचाउन पालो पर्खिनुपर्छ ।

मेडिकलमा बिहीबार पनि एक जना व्यक्ति स्टेस्थो*स्कोप लिएर बिरामी जाँचिरहेका देखिए । उनी भनिरहेका थिए *छाती हल्का खराब छ! यो एन्टिबायोटिक हो । यहाँसम्म पानी हालेर हल्लाएर खुवाउनु ठीक हुन्छ।* बिरामीका आफन्त उनलाई (डाक्टर) ठानिरहेका थिए । तर उनी त स्वास्थ्य चौकीकै कार्यालय सहायक कृष्णबहादुर तामाङ पो रहेछन् ।

बिरामी र उनीहरूका आफन्त कार्यालय सहायक तामाङलाई डाक्टर ठानेर आफ्ना स्वास्थ्य समस्या सुनाइरहेका थिए । तामाङ सेवाग्राहीका कुरा सुन्थे अनि बिरामी जाँच्थे । तामाङले बिरामी जाँच्ने मात्रै होइन । औषधि पनि दिने रहेछन् । यसबारे उनले भने!*पढाइ त ८ कक्षा हो । मैले २०५१ सालदेखि स्वास्थ्य चौकीमा काम गरेँ । त्यहाँ सरहरूले सिकाएर बिरामी जाँच्न जानेको हुँ । मैले जाँचेर धेरैलाई ठीक बनाएको छु।

स्वास्थ्य चौकीमा लामो समय काम गरेको आधारमा आफूलाई अनुभव भएको उनले बताएका थिए । निमोनिया/ रुघाखोकी/ ज्व*रोका बि*रामी निको पार्ने गरेको उनको भनाइ रहेकाे छ । खासमा उनको काम बिहान स्वास्थ्यचौकी खोल्ने/ सरसफाइ गर्ने र पानी भर्ने थियाे ।

त्यसपछि अर्को ड्युटी रहेछ । मेडिकलमा गएर बिरामी जाँच्ने। स्वास्थ्य चौकीकै कर्मचारीले उनलाई त्यता पठाउँछन् । मेडिकलमा बि*रामी आएको खबर आउनासाथ उनी दौडिहाल्छन् । जँचाउन पुग्नेहरूलाई उनी डाक्टर हुन् कि पिउन भन्ने थाहा हुदैन रहेछ ।

बिरामीसँग सोधपुछ गरेर अनुमानका भरमा औषधि दिनेगरेका रहेछन् । (रुघाखोकी/ज्वरो/ निमोनिया/ पखालाको उपचार मैले गर्छु। यो बाहेकका बिरामीलाई मैले सकिनँ भने सरलाई बोलाउने अनि उहाँहरूले रिफर गर्दिनुहुन्छ ।) उनले भने!*हामी पालै-पालो आएर चलाउँछौं । अहिले स्वास्थ्य चौकीमा दुई जना मात्रै भएकाले मलाई पठाउनुभएको हो ।*