जोनसन एण्ड जोनसन खोप लगाएको १० मिनेटमै धादिङमा १ जनाको मृत्यु

रोमन लामा
रामेछाप ०८ साउन खोज मिडिया। कोरोना भाइरस विरुद्ध अमेरिकन खोप जोनसन एण्ड जोनसन लगाउनका लागि हिँडेरै खोप केन्द्र पुगेका धादिङ्गका एक जना वृद्धको रहस्यमयी मृत्यु भएको छ । मृत्यु हुनेमा धादिङको निलकण्ठ नगरपालिका वडा नं-६, घर भएका नर बहादुर श्रेष्ठ रहेका छन् । अहिले उनको शव पोस्ट मार्टमका गर्नका लागि धादिङ अस्पतालमा पुर्याइएको छ ।

निलकण्ठ नगरपालिकाले सुनौला बजारमा सञ्चालन गरेको खोप केन्द्रमा मृतक श्रेष्ठ हिँडेरै पुगेका थिए । खोप लगाएर उनी आधा घण्टा सम्म खोप केन्द्रमै बसेको र  घर पुगेपछि १० मिनेटमा उनलाई चक्कर लागेको निलकण्ठ नगरपालिकाका स्वास्थ्य प्रमुख विष्णु प्रसाद रिजालले खोज मिडियालाई  बताए ।

निलकण्ठ नगरपालिकाले वडा नं-६ स्थित सुनौला बजार स्वास्थ्य चौकीमा खोप कार्यक्रम सञ्चालन गरेको थियो । स्थानिय स्वास्थ्य चौकीमा सामान्य उपचार पछि उनलाई जिल्ला अस्पताल ल्याइएको थियो । जिल्ला अस्पतालमा आएपछि मृतक श्रेष्ठको मृत्यु भएको डाक्टरहरुले बताएका थिए ।