जनमत पार्टीको जि.सचिव बिकास कु. यादवले वडा अध्यक्ष माथि गरे कारबाहीको माग ।

मेवालाल यादव
रौतहट, साउन ६, खोज मिडिया । रौतहटको माधवनारायण नपा-४ विसुनपुर्वा मानपुरका नेकपा माओवादी पार्टी बाट निर्वाचित वडा अध्यक्ष राम देनि मुखिया र उनको छोरा राम कलेवर मुखियाले स्थानीय रामलगन भगत माली सहित स्थानीयलाई भोट नदिएको भन्दै कुटपिट गरेका छन् ।

चुनाबमा भोट नदिएको भन्दै चुनाव जिते देखि अहिले सम्म वडा अध्यक्ष र उनका आसेपासेहरुले विभिन्न बहाना बनाउदै स्थानीयलाई कुटपिट गर्दै तथा ब्यक्तीगत रिसिबी साध्दै आएको स्थानीय समेतको आरोप छ । पीडित स्थानीयको न्याय दिलाउन जनमत पार्टी रौतहट का जिल्ला सचिव एवं युवा नेता बिकास कुमार यादवले सम्बन्धित निकाय संग वडा अध्यक्ष मुखिया माथी कारबाहीको माग गरेका छन् ।

यस्ता गुण्डा प्रवृत्तिका जनप्रतिनिधिहरूले नै छोटे राजा का रूपमा देशमा जंगल राजा चलाएका छन्। चुनावका बेला जनताको सेवा गर्छु, राम्रा काम गर्ने बचन गर्छन तर यहाँ त जंगल राज चलाएका छन् । यस्ता सबै गुण्डा र भ्रष्टाचारीहरूलाई सामाजिक बहिष्कार गर्नुपर्छ नेता यादवले बताए ।