नेपाल राष्ट्रिय शिक्षक संगठनको‌ वडा नं १० मा सुर्य मोहन

पाेखरा, खाेज मिडिया २८ असार । नेपाल राष्ट्रिय शिक्षक संगठन पोखरा महानगरपालिका वडा नं. १० को दोस्रो अधिबेशन शनिबार भर्चुअल माध्यामद्वारा सु-सम्पन्न भयो ।

संस्थाका अध्यक्ष सुर्यमोहन ढकालको सभापतित्व र सचिव ज्ञान थापाको संचालनमा भएको कार्यक्रममा स्वागत मन्तव्य लेखमाया पुनले राख्नु भएको थियो । जसको प्रमुख अतिथि नेपाल राष्ट्रिय शिक्षक संगठन पोखरा महानगरपालिका अध्यक्ष बिष्णु त्रिपाठी रहनु भएको थियो ।‌

प्रमुख अतिथि बिष्णु त्रिपाठीले हामी शिक्षकहरु अन्धकारमा ज्ञानको‌ ज्योति बाल्ने शिक्षाका संवाहक हौ । हाम्रा हक अधिकारलाई कुण्ठित पारी हामीलाई नै अन्धकारतिर धकेल्ने काम कही कतै हुन्छ भने त्यस्तो जुन सुकै चुनौती र समस्यासङ्ग हामी झुक्न नहुने बताउनु भयो ।
देशमै पहिलो पटक कोभिड बिरुद्द भर्चुअल क्लास लिन सकिने र परिस्थिति अनुरुप आईसिटीलाई प्रयोग गरिनु पर्ने अभियान सन्चालन गर्न यो सस्था सफल रहेको स्मरण गर्नु भयो । साथै हाल प्राप्त गरेका सबै पेशागत उपलब्धीहरु नेपाल राष्ट्रिय शिक्षक संगठनकै पहलमा प्राप्त भएको बताउनुभयो ।

यो संगठन नेपाली शिक्षकहरुको भरोसाको केन्द्र रहेको बिचार पनि ब्यक्त गर्नु भयो ।
त्यसैगरी नेपाल राष्ट्रिय शिक्षक संगठनका पोखरा सचिवालय सदस्य पुर्ण गुरुङ, कालिका मा.बि. रामबजारका प्र.अ बलराम गिरी, नेपाल राष्ट्रिय शिक्षक संगठनका उपाध्यक्ष बिजय शर्मा लगायतले शुभकामना मन्तव्य व्यक्त गर्नुभएको थियो ।

पहिलो सत्रको कार्यक्रमपछि निर्बाचन मन्डल गठनगरि अधिवेशनका लागि दोस्रो सत्रको कार्यक्रम गरिएको हाे । उक्त निर्वाचनमा मन्डलामा पुर्ण गुरुङ, बलराम गिरी, गिता आचार्य रहनु भएको थियो ।
आपसी सरसल्लाह, सहमति र समझदारीको आधारमा पुन सुर्यमोहन ढकाल नै अध्यक्ष पदमा निर्वाचित हुनु भएकाे छ ।
जसको उपाध्यक्षमा नानुमाया गौतम, सचिबमा ज्ञान थापा, सहसचिवमा अन्जु थापा, कोषाध्यक्षमा मन कुमारी शर्मा, सदस्यहरुमा लेखमाया पुन, एल.डी. अधिकारी, शोभा कोइराला, प्रकाश भन्डारी, अनिता तिमिल्सिना र मना गुरुङ रहनु भएको छ ।