दक्षिणकालीमा हत्या भएको युट्युबमा भाइरल सन्तोषीको हत्या आरोपी आज सार्वजनिक गरियो

रोमन लामा
रामेछाप १० असार खोज मिडिया। दोस्रो भेरियन्टको कोरोना कहरकै बिचमा सुनशान काठमाडौंको दक्षिणकाली मन्दिर नजिक शौचालयमा युट्युवमा भाइरल महिला सन्तोषी सुब्बाको हत्या केहि दिन अघि घाँटी थिचेर हत्या गरी अनुहार कुच्याइएको अवस्थामा पाइएको थियो। दक्षिणकाली नगरपालिका अन्तर्गत दक्षिणकाली मन्दिर नजिक शौचालयमा भेटिएको  युट्युवमा भाइरल महिला सन्तोषी सुब्बाको हत्या आरोपी पक्राउ परेका सुरेश तिमल्सिनालाई प्रहरीले आज सार्वजनिक गरेको छ । महानगरीय अपराध महाशाखाले आज नै पत्रकार सम्मेलन गरेर अभियुक्त सुरेश तिमल्सिनालाई सार्वजनिक गरेको छ ।

महानगरीय अपराध महाशाखाका प्रहरीका अनुसार सिन्धुपाल्चोक जिल्लाको चौतारा साँगाचोकगढी वडा नं-१४ स्थायी घर भइ हाल दक्षिणकाली नगरपालिका वडा नं-७ बस्ने २९ वर्षको सुरेश तिमिल्सिनाले भाइरल सन्तोषीको हत्या गरेको खुलेपछि काठमाडौंको असनबाट पक्राउ गरिएको हो । असार ६ गते दक्षिणकालीमा पुगेकी सन्तोषी सुब्बाले सुरेश तिमल्सिनासँग खान र बस्न समस्या भएको बताएपछि अभियुक्तले खाने, बस्ने खाना र सुत्ने व्यवस्था मिलाइदिन्छु भन्दै दक्षिणकाली मन्दिर नजिकै जङ्गलमा पुर्याएका थिए । पिकनिक स्थलमा रहेको सार्वजनिक शौचालय नजिक सुब्बाको शव फेला परेको थियो ।