उपप्रधानमन्त्री तथा सहरी विकास मन्त्री राजेन्द्र महतोलाई नेपाली नागरिकता सार्वजनिक गर्न ७ दिने अल्टिमेटम माग

काठमाडौं, जेष्ठ ३०, खोज मिडिया । नयाँ पार्टी नेपालले उपप्रधानमन्त्री तथा सहरी विकास मन्त्री राजेन्द्र महतोलाई नेपालीको नागरिकता सार्वजनिक गर्न माग गरेपछि झ*ट्का लागेको हो ।

भारत स्थायी सितामडी जिल्ला कोहवरवा ठेगाना भएका महतोको नागरिकताका विषयमा बर्षैदेखि प्रश्न उठेको भन्दै नयाँ पार्टी नेपालले एक हप्ताभित्र नागरिकता सार्वजनिक गर्न अल्टिमेटम दिएको छ । आइतबार नयाँ नेपाल पार्टीले सहरी विकास मन्त्रालयमा नै गएर उपप्रधानमन्त्री महतोलाई ज्ञापनपत्र बुझाउँदै नेपालको नागरिकता सार्वजनिक गर्न अल्टिमेट दिएको हो ।

तपाईलाई भारतीय नागरिक भएर पनि नेपाली नागरिकता लिएको आरोप लाग्दै आएकोले तपाईले नागरिकता झुटो विवरण पेश गरी लिएको दावी सहित नयाँ पार्टी नेपालले अख्तियार दुरुपयोग अनुसन्धान आयोग, गृह मन्त्रालय र प्रधानमन्त्री तथा मन्त्री परिषद् कार्यालमा समेत उजुरी दर्ता गरी आवश्यक कारबाही भई रहेको छ ।’ महतोलाई बुझाएको पत्रमा भनिएको छ, ‘तपाईमाथि लागेको आरोपको निष्पक्ष छानविन गर्नको लागि सहयोग गर्दै आफ्नो सक्कल नागरिकता, आफ्नो पिताको नागरिकता, नेपाली हो भनी पुष्टि गर्ने कम्तीमा १० पुस्ताको पुस्तेवारी, राजेन्द्र सुडी महतो नेपाली हो भनी प्रमाणित गर्ने विशेष गाँउ, वडाको कम्तीमा १०० जनाले प्रमाणित गरेको सर्जमिन मुचुल्का सहित पत्रकार सम्मेलन मार्फत सार्वजनिक गर्न तपाई राजेन्द्र सुडी महतोलाई नयाँ पार्टी, नेपाल ७ दिने अल्टिमेटम दिन चाहन्छ ।

खोभारी सुडीको छोरा राजेन्द्र सुडी महतोको नागरिकताको सबालमा बर्षौदेखि प्रश्न उठी रहेको छ । उल्लेखित कागजात जुटाउन नसक्ने भए सोही समयभित्र आफू भारतीय नागरिक भएको व्यहोरासहित नेपाल सरकार समक्ष आत्मसर्मण गरी आवश्यक अनुसन्धानमा सहयोग गर्न पनि नयाँ पार्टीले अनुरोध गरेको छ । साथै निष्पक्ष छानविनका लागि पदबाट राजीनामा दिन समेत नयाँ पार्टी नेपालले सल्लाह दिएको छ ।