परराष्ट्र मन्त्रीको निर्देशन: खाडीका श्रमिकहरुसँग चन्दा सहयोग उठाउनु

युएई, ओली सरकारका परराष्ट्र मन्त्री प्रदीप ज्ञावलीले कोरोना भाइरसको महामारीका कारण नेपालमा भयावह स्थिति सृजना भएको भन्दै कोभिड भ्याक्सिन खरीदको लागि खाडीमामा कार्यरत नेपालीसँग आर्थिक सहयोग संकलन गर्न निर्देशन दिएका छन् ।

युएई स्थित नेपाली दूतावास स्रोतका अनुसार मन्त्री ज्ञावलीले खाडीमा कार्यरत नेपालीसँग आर्थिक सहयोग उठाउदै सम्बन्धित देशका राष्ट्प्रमुखसँग पनि सहयोगका लागि याचना गर्न समेत निर्देशन दिएका छन् ।

नेपाल सरकारको निर्देशन र दुताबासको संरक्षण रहनेगरी यूएईमा कार्यरत नेपालीहरुले समेत कोभिड १९ संयुक्त राहात समिति बनाएर चन्दा संकलन शुरु गरेका छन् । जस अन्तर्गत जिल्ला, जातिय, र राजनीतिक गरी ६० भन्दा धेरै संघसंगठनहरुले आर्थिक संकलन सुरु गरेका छन् ।

नेपालमा बढ्दो कोरोना भाइरसको रोकथाम का लागि आबस्यक सहयोग गर्न युएई सरकारसँग छलफल चलिरहेको र सहयोगको लागि युएई तयार रहेको हुँदा केहि दिन भित्रै नेपालले युएई सरकारको सहयोग प्राप्त गर्न सक्ने नेपाली दूतावासका राजदूत कृष्ण प्रसाद ढकालले जानकारी दिएका छन् ।

उता ओली सरकारले मध्यावधि चुनावको घोषणा गरेको छ । चुनाब खर्च अनुमानित ४० अर्ब रहेको छ ।