डा.बाबुराम आचार्य भन्छन् -“पाेखरामा अक्सिजन अभाव हुने सम्भावना तयारी हुन आवश्यक ” ।

पाेखरा खाेज मिडिया जेष्ठ १ । पाेखरामा आजकाे अवस्थामा दैनिक १५०० अक्सिजन सिलिन्डर ग्यास उत्पादन हुँदै आएकाे छ । पाेखराका निजि स्तरमा संचालित पाेखरा अक्सिजन प्रालिमा दैनिक ९००र कालीगण्डकी अक्सिजन प्रालिमा दैनिक  ६०० सिलिन्डर ग्यास उत्पादन भईरहेकाे छ । यी दुबै कम्पनीको अधिक्तम ग्यास उत्पादन क्षमता अनुसार अहिले अक्सिजन ग्यास उत्पादन भएकाे पाईन्छ । डा.बाबुराम आचार्य भन्छन्- उपभाेग भन्दा उत्पादन बढि हुँदा कसरी अक्सिजन अभाव भयाे ? अक्सिजन अभावकै कारण पाेखरामा बिरामीले ज्यान गुमाउन पर्ने अवस्था भने छैन । व्यवस्थापनमा केही समस्या हुँदा अक्सिजन अभाव भए जस्ताे भएता पनि पाेखरामा अक्सिजन अभाव भने छै । अहिले दुबै अक्सिजन ग्यास उत्पादन कम्पनीमा शसस्त्र प्रहरी राखेर बिरामीको चाप हेरेर अक्सिजन वितरण गरिरहेका छाैं । आचार्यका अनुसार अहिले अक्सिजन अभाव नभए पनि बिरामीको चाप दिनहुँ यसैगरि बढ्दै जानेहाे भने केही दिनमा अक्सिजन अभाव हुन सक्छ त्यसका लागि तयारी गर्न जरुरि छ, तर हालकाे अवस्थामा अक्सिजन अभाव भने छैन । अक्सिजन कम्पनीका अनुसार निजि अस्पताल हरुले बढी अक्सिजन खपत गरिरहेका छन । ती अक्सिजन सिलिन्डरहरुलाई राेटेसन गरेर भर्ने व्यवस्थापन गर्न नसक्दा कहिकतै केही अभाव देखिएकाे हाे ।अक्सिजन ग्यास कम्पनीमा शसस्त्र प्रहरीको निगरानी बढाएसंगै हाल अक्सिजन समानुपातिक रुपमा बितरण भईरहेकाे डा.आचर्यले बताए । आचार्य भन्छन्- केही दिन पहिले समस्या आएपछि हामीले दुई कम्पनीमा शसस्त्र प्रहरीको ड्युटी खटाएकाछाैं । अहिले समानुपातिक रुपमा बितरण भैरहेकाे छ ।                                                    पाेखरामा रहेका दुई प्लान्टबाट दैनिक अक्सिजन उत्पादन १५००सिलिन्डर हुन्छ । त्यसलाई प्रभावकारी वितरण गरियो भने समस्या हुदैन । दुई कम्पनीको डाटा अनुसार पाेखरामा ठुलाे र सानाे गरि लगभग ३०००अक्सिजन सिलिन्डर रहेका छन ।