कोरोनाविरुद्धको खोप लगाउन अनलाइन फारम

कोरोनाविरुद्धको खोप लगाउनेहरुको लागि स्वास्थ्य तथा जनसंख्या मंत्रालयले  अनलाइन मार्फत फारम उपलब्ध गराउने भएको  छ ।

 ७७  जिल्ला र ७ वटै प्रदेशमा खोप लगाउन चाहने १८ वर्ष भन्दा माथि उमेरका  सबैलाई   अनलाइन फारम भरेर पहिले नै नाम दर्ता गर्न आग्रह गरेको छ ।

अहिलेको जटिल अवस्थामा नाम दर्ता गर्न निकै कठिनाइ पर्ने विगतको अनुभवलाई मूल्यांकन  गरी खोपलाई  सहज बनाउन अनलाइन फारम  भर्न अनुरोध गरिएको मन्त्रालयले जनाएको छ ।

अनलाइन फाराम  नभरेकाहरुलाई पनि खोप लगाउनबाट भने बञ्चित नगरिने मन्त्रालयले स्पष्ट पारेको छ ।