रामेछाप जिल्लाको सुनापती गाउँपालिकामा १२ जनामा कोरोना भाइरस सङ्क्रमण र १ जनाको मृत्यु

रोमन लामा
रामेछाप वैशाख २७ खोज मिडिया। रामेछाप जिल्लाको सुनापती गाउँपालिकामा दोस्रो लहरको कोरोना भाइरस आएसँगै पहिलो पटक आज मात्रै एकै दिनमा १२ जनामा कोरोना सङ्क्रमण देखिएको छ । गाउँपालिकाको ५ ओटा वडाहरु मध्येमा ३ ओटा वडाहरुमा कोरोना सङ्क्रमित भेटिएको छ।

सुनापती गाउँपालिकाको वडा नं-२ मानपुरमा ७ जना, वडा नं-३ हिलेदेवीमा १ जना र वडा-नं ५ खनियापानीमा ४ जना सङ्क्रमित भेटिएको छ। आजै नै १ जना सङ्क्रमितको अस्पतालमा उपचारको क्रममा मृत्यु भएको छ। अहिले गाउँपालिकामा भेटिएको कोरोना सङ्क्रमितहरु होम आइसोलेसन नै रहेको र सबै सङ्क्रमितको स्वास्थ्य अवस्था सामान्य रहेको जानकारी खोज मिडियासँग सुनापती गाउँपालिकाको स्वास्थ्य संयोजक अर्जुन श्रेष्ठले बताएको छ।