छात्रा तर्फको भलिवलमा पशुपति मा.वि. साँदीडाँडा प्रथम स्थान

रोमन लामा
रामेछाप १५ चैत्र खोज मिडिया। रामेछाप जिल्लाको सुनापती गाउँपालिकामा “स्वास्थ्यका लागि खेलकुद , रास्ट्रका लागि खेलकुद” भन्ने नाराका साथ “तेसो सुनापती गाउँपालिका स्तरीय अन्तर विद्यालय राष्ट्रपति रनिङ शिल्ड खेलकुद प्रतियोगिता-२०७७” को आज तेस्रो दिन  छात्र  तर्फको भलिबलको बिभिन्न चरण सकेर फाइनल भन्दा बाहेकको सबै चरण सकिएको छ। भोलि छात्र तर्फको भलिवलको फाइनल खेल हुनेछ। कबड्डी खेलको केहि चरण बाँकी रहेको छ तसर्थ कबड्डी तर्फको बाँकी खेल भोलि ७ बजे देखि संचालन हुनेछ।

छात्रा तर्फको भलिबल खेलमा पशुपती मा.वि. साँदीडाँडाको विद्यार्थीहरुले प्रथम स्थान हासिल गरेका छन्। पशुपति मा.वि. साँदीडाँडा र कृष्णवर्नेश्वर मा.वि. मानपुरमाबीच भएको खेलमा कृष्णवर्नेश्वर मा.वि. मानपुरलाई पराजित गरिकन पशुपति मा.वि.साँदीडाँडा यस वर्षको तेस्रो राष्ट्रपति रनिङ शिल्ड खेलकुद प्रतियोगिता-२०७७ को छात्रा भलिवलमा प्रथम स्थान हासिल गर्न सफल भएका छन्।