सुनापती वडा नं-४ स्तरिय पुरुष भलिवलमा योन्जन सेवा समाज विजयी

रोमन लामा
रामेछाप ३ फाल्गुण खोज मिडिया।  रामेछाप जिल्लाको सुनापती गाउँपालिका वडा नं-४ मा सोनाम ल्होछार-२८५७ औं (लाङ ल्हो) म्हें लो अर्थात गाई वर्षको अवसरमा प्रथम भल्वडी म्हारमेन कप-२०७७ सुनापती गाउँपालिका वडा नं-४ स्तरिय पुरुष भलिवल प्रतियोगिता फाल्गुण १ गते देखि ३ गतेसम्म संचालन भएको छ। सुनापती गाउँपालिकाले प्रायोजन गरेको वडा नं-४ स्तरिय पुरुष भलिवल  प्रतियोगिताको आयोजना भल्वाडी म्हारमेन युवा क्लवले गरेको छ। प्रथम भल्वडी म्हारमेन कप सुनापति गाउँपालिका वडा नं-४ स्तरिय पुरुष भलिवल प्रतियोगिता फाल्गुण १ गतेको दिन सुनापति गाउँपालिकाको प्रमुख धावा लामाले गर्नु हुने भएको थियो। सो प्रतियोगिताको अन्तिम दिन आज  फाल्गुण ३ गतेका दिन संविधान सभाका सदस्य डिल्लीमान तामाङको प्रमुख आथित्यमा कार्यक्रम समापन भएको छ ।

७ टिम सहभागी भएको ३ दिन सम्म संचालन भएको सुनापति गाउँपालिका वडा नं-४ स्तरिय पुरुष भलिवल प्रतियोगिताको प्रथम , द्धितिय , तृतीय र  सान्त्वाना क्रमसः प्रथम योन्जन सेवा समाज ,भल्वाडी म्हारमेन युबा क्लब , घार कोट एकता समाज र माउन्ट एभरेस्ट योङ्ग स्टार भएको छ।  संविधान सभाका सदस्य डिल्लीमान तामाङले सो प्रतियोगितामा प्रथम , द्धितिय , तृतीय र सान्त्वाना हुने टिमहरुलाई नगद पुरुस्कार , शिल्ड , मेडल र प्रमाणपत्र वितरण गर्नु हुदै उक्त प्रतियोगिताको समापन गर्नु भएको छ ।