सुनापती गाउँपालिकाको खानीखोलामा वडा नं-४ स्तरिय पुरुष भलिवल प्रतियोगिता हुदैँ

रोमन लामा
रामेछाप २९ माघ खोज मिडिया।  रामेछाप जिल्लाको सुनापती गाउँपालिका वडा नं-४ मा सोनाम ल्होछार-२८५७ औं (लाङ ल्हो) म्हें लो अर्थात गाई वर्षको अवसरमा प्रथम भल्वडी म्हारमेन कप-२०७७ सुनापति गाउँपालिका वडा नं-४ स्तरिय पुरुष भलिवल प्रतियोगिता फाल्गुण १ गते देखि ३ गतेसम्म संचालन हुदैँछ। सो भलिवल प्रतियोगिताको प्रायोजन सुनापती गाउँपालिकाले गर्ने भएको छ। उक्त पुरुष भलिवल प्रतियोगिता खेलको आयोजना भल्वाडी म्हारमेन युवा क्लवले गरेको छ। प्रथम भल्वडी म्हारमेन कप सुनापति गाउँपालिका वडा नं-४ स्तरिय पुरुष भलिवल प्रतियोगिता फाल्गुण १ गतेको दिन सुनापति गाउँपालिकाको प्रमुख धावा लामाले गर्नु हुने भएको छ। सो प्रतियोगिताको अन्तिम तथा तेस्रो दिन फाल्गुण ३ गतेका दिन संविधान सभाका सदस्य डिल्लीमान तामाङको प्रमुख आथित्यमा कार्यक्रम समापन गरिने भएको छ ।

उक्त कार्यक्रमको तयारी अन्तिम चरणमा पुगेको क्लवका सचिव तथा कार्यक्रमका संयोजक निरीमाया मोक्तानले खोज मिडियालाई बताउनु भयो। फाल्गुण १ गते देखि संचालन हुने खेल खानीखोलामा हुने भएको छ। राष्ट्रिय खेल भलिबललाई प्रोत्साहन दिने, युवाहरुलाई खेलकुद प्रति आकर्षण गर्ने र समाजमा सकारात्मक संदेश दिने हिसावमा उक्त भलिवल खेलको आयोजना गर्न लागेको क्लवका कार्यकारी उपाध्यक्ष भिषण दोङले बताउनु भयो। सो प्रतियोगितामा प्रथम पुरुस्कार नगद रु. १५,०००।- , शिल्ड , मेडल र प्रमाणपत्र , द्धितिय पुरुस्कार नगद रु. ७,०००।- , शिल्ड , मेडल र प्रमाणपत्र , तृतीय पुरुस्कार नगद रु. ३,५००।-, शिल्ड , मेडल र प्रमाणपत्र , सन्त्वाना पुरुस्कार नगद रु. २,०००।-, शिल्ड , मेडल र प्रमाणपत्र त्यसैगरी उत्कृष्ट खेलाडी , उत्कृष्ट स्पाइक ,उत्कृष्ट ब्लकर उत्कृष्ट सेन्टरलाई शिल्ड र प्रमाणपत्रद्वारा सम्मान गरिने छ।