समाजसेवी तथा राजनीतिज्ञ गंगाराज लामाले गरे सिमेन्ट सहयोग

रोमन लामा
रामेछाप १६ माघ खोज मिडिया।

रामेछाप जिल्ला सुनापती गाउँपालिका वडा नं ५ स्थित सुनापती हरियाली आमा समूहलाई सिमेन्ट सहयोग जुटेको छ।  सुनापती हरियाली आमा समूहलाई बैठक बस्नका निम्ति बैठक स्थल निर्माण गर्न चाहिने २० बोरा सिमेन्ट सहयोग जुटेको छ।  उक्त सिमेन्ट सहयोग गर्नु हुने सुनापती गाउँपालिका वडा नं ५ घर भई हाल बौद्ध निवासी समाजसेवी तथा राजनीतिज्ञ गंगाराज लामा हुन्।

समाजसेवी लामाले यस भन्दा अघि पनि श्री कृष्णपुरी मा.वि.लाई नि.मा.वि. राहत अनुदान कोटा १ र मा.वि. राहत अनुदान कोटा १ गरी जम्मा २ ओटा अनुदान कोटा पार्ने काममा पनि उच्च योगदान रहेको थियो। समाजसेवी तथा राजनीतिज्ञ गंगाराज लामाले आगामी दिनहरुमा पनि  सुनापती-५  मा आफुले सकेको सहयोग गर्नु हुने प्रण खोज मिडियासंग गर्नु भयो ।

सुनापती गाउँपालिका वडा नं ५ को सुनापती हरियाली आमा समूहलाई सिमेन्ट सहयोग गरेको जानकारी सो आमा समूहको अध्यक्ष  कान्छीमाया मानन्धरले खोज मिडियालाई  जानकारी दिनुभयो।  सो सहयोगको लागि सो आमा समूहको अध्यक्ष कान्छीमाया मानन्धरले हार्दिक धन्यवाद व्यक्त गर्नु भयो।