मेयर यादवले गरे फतुवा बिजयपुर नगरपालिकामा महाबिरी झण्डा मेलाको उद्घाटन

चन्दन कुमार महतो ।
रौतहट,१ मंसिर खोज मिडिया ।

रौतहटको फतुवा बिजयपुर नगरपालिका २ सितलपुर स्थित महाबिरी झण्डा मेलामा अन्तर्राष्ट्रिय पहलवानहरुको चहलपहल भएको छ । सनिवार मेयर गोपाल प्रसाद यादवले दुईजना पहलवानको हात मिलाई उदघाटन गरेपछि कुस्ती सुरु भएको थियो ।

सितलपुर मेलामा कुस्ती खेल्न नवलपरासीका अन्तर्राष्ट्रिय पहलवान पहलाद दास भन्ने केशर दाशको नेतृत्वमा नेपाल र भारत को विभिन्न स्थान बाट दर्जनौं नामुद पहलवानका साथै केही महिला पहलवान आएका छन।
आएका छन ।

सनिवार मेयर यादव द्वारा औपचारिक उदघाटन पछि १३० किलो तौलसम्मको ४ दर्जन भन्दा बढी पहलवान बीच कुस्ती लडाइ भएको थियो।

सनिवारको कुस्तीमा सितलपुरका स्थानीय युवा संजिव साह सोनारले एकजना भारतिय पहलवान लाई पछारेका थिए । को*रोना म*हामा*रिको कारण लगातार २ बर्ष महाबिरी झण्डाको अवसरमा सितलपुरमा मेलाको आयोजना हुनसकेको थिएन ।

स्थानीयहरुको आग्रहमा मेयर गोपाल यादवको सक्रियताले यसपटक सितलपुरमा दुईदिने मेला लागेको छ भने मेलामा अन्तर्राष्ट्रिय पहलवान समेत आएका छन ।

भोलि आइतबार सितलपुरमा १३० किलो तौल भन्दा माथिका राष्ट्रिय तथा अन्तर्राष्ट्रिय पुरुष पहलवान र महिला पहलवान बीच कुस्ती पहलवानी हुने मेयर यादवले कटहरिया एफएम लाई जानकारी दिएका छन ।