बलिउड सुपरस्टार शाहरुख खान मिडियाबाट भाग्दै

एजेन्सी, २२ कात्तिक खोज मिडिया ।
बलिउड सुपरस्टार शाहरुख खानका छोरा आर्यन आन लागुपदार्थ प्रकरणमा जेल परे । छोरा जेल परेपछि शाहरुख मिडियाबाट यति टाढा छन् कि उनी हराएजस्तै भएको छ । उनी मिडियाको अगाडि आउन नै खोजिरहेका छैनन् । आइबार नोभेम्बर ७ का दिन शाहरुख खानको टीम मुम्बईको कलिना एयरपोर्टमा देखिए । स्रोतका अनुसार शाहरुख खान दिल्लीमा एउटा मिटिङ सकेर प्राइभेट जेटमार्फत मुम्बई फर्किएका थिए । उनी यसबीचमा क्यामेराबाट लुकेर गए ।

कलीना एयरपोर्टको एउटा भिडियोमा शाहरुखको टीम देखिएका छन् । भिडियोमा २ जनाको छाताको ओझेल पारेर शाहरुख कारमा बसेर गइरहेका छन् । शाहरुख खान कसैले उनको तस्बिर खिचोस् भन्ने चाहाँदैनन् ।

त्यसैले उनले आफ्नो सेक्युरिटी गार्डलाई छाता ल्याउन लगाए । उनी छातामा छेकिएर गाडीमा गएको भिडियोमा देखिन्छ तर, उनीसँग अरु को–को थिए भन्ने पत्ता नलागेको भारतीय सञ्चार माध्यमले जनाएका छन् ।

मिडिया रिपोर्टका अनुसार शाहरुख खानलाई अन्तरवार्ताका लागि विदेशी मिडियाहरुले सम्पर्क गरेका थिए । सबै शाहरुख खानका छोराको बारेमा जान्न चाहान्थे । तर, शाहरुख खानले सबैलाई कुराकानी गर्न अस्वीकार गरिदिए ।