आसमान तामाङ वाईबा र अमिता दोङको अभिनय रहेको तिम्रो साथ विना म्युजिक भिडियो शुक्रवार एक कार्यक्रमबीच सार्वजनिक

कार्तिक २२ काठमाडौं, खोज मिडिया । राजधानीको दरवारमार्गस्थित किङरिङ लञ्जवारमा एक कार्यक्रमबीच चर्चित गायक मंगोलियन हर्ट राजु लामा र निर्मला घिसिङ्गको स्वर रहेको गीत “तिम्रो साथ विना” को म्युजिक भिडियो गीतको निर्माण टिमले सार्वजनिक गरेको हो । कुमार स्याङग्बाको शब्द रचनालाई निमा लामा दोङले संगीत भरेको थियो ।

दोलखाको पर्यटकीय स्थल कालिञ्चोक आसपास बढि छायाँकन गरिएको गीतमा आसमान तामाङ वाईबा र अमिता दोङको अभिनय रहेको छ । अजय स्याङताङले निर्देशन गरेको गीतलाई विक्रम मोक्तान र चक्र महर्जनले खिचेका हुन् । आसमानसँगै विना घलानको लगानी गीतमा रहेको छ ।

कार्यक्रममा आदिवासी जनजाति चलचित्र महासंघका अध्यक्ष अमृत सुनुवार, चलचित्र प्राविधिक संघका अध्यक्ष पुष्कर लामा, नृत्य निर्देशक संघका पूर्व अध्यक्ष दिनेश पाख्रिन, नायिका चाँदनी मोक्तानलगायतको उपस्थिती रहेको थियो ।
मंगोलियन हर्ट राजु लामाले धेरै समयको अन्तरालमा तिम्रो साथ विना बजारमा ल्याएका हुन् । दोलखाको पर्यटकीय संभावनालाई ध्यानमा राखेर कालिञ्चोकमै छायाँकन गरेको निर्माण पक्षले जानकारी दिएका छन् ।