रौतहटको फरक फरक ठाउँमा डुबेर दुई बालबालिकाको मृत्यु

ललन कुमार चौरसिया
रौतहट ,२६ भदौ, खोज मिडिया । रौतहट जिल्लाको फरक फरक दुई स्थानीय तहमा १/१ जना गरि दुई अबोध बालबालिकाको पानीमा डुबेर र छतबाट खसेर मृत्यु भएको छ। राजपुर नगरपालिका वडा नम्बर १ पिपरा भगवानपुरको राम प्रवेश ठाकुरका डेढ वर्षको छोरा आदित्य ठाकुरको पानीमा डुबेर विहिबार एक बालकको मृत्यु भएको छ।

घरको छेउमा कलधाराको पानी जम्ने खाल्डोमा खेल्ने क्रममा डुबेर बालकको बिहीबार साँझ मृत्यु भएको छ भने आफन्तलाई उद्धृत गर्दै जिल्ला प्रहरी कार्यालय रौतहटले जानकारी दिएको छ। यस्तै गरि रौतहटको फतुवा विजयपुर नगरपालिका वडा नम्बर ६ मा एक बालिकाको छतबाट खसेर मृत्यु भएको छ। स्थानीय आनन्दी साहको डेढ वर्षकी छोरी विनिता कुमारी साहको आफ्नै घरको छतबाट खसेर मृत्यु भएको हो। छतमा खेल्ने क्रममा बालिका माथिबाट खसेर बालिकाको घटनास्थलमा मृत्यु भएको पारिवारीक स्रोतको हवाला दिँदै जिल्ला प्रहरी कार्यालय रौतहटले जानकारी दिएको छ। ती शवलाई सदरमुकामको जिल्ला अस्पताल गौरमा पोस्टमार्टम गरिएको जिल्ला प्रहरी कार्यालय रौतहटका प्रवक्ता डिएसपि भरत श्रेष्ठले जानकारी दिनुभयो