भारत लैजादै गरेको १ किशोरी सहित ६ जना रौतहटमा पक्राउ

ललन कुमार चौरसिया
रौतहट २५ भदौ, खोज मिडिया । रौतहट जिल्लाको नरकटिया नाका हुदै नेपाली एक किशोरीलाई ललाइफकाई मध्यराति भारततर्फ लगिरहेको क्रममा ६ युवकलाई सीमावर्ती क्षेत्रबाट प्रहरीले पक्राउ गरिसकेको छ । प्रहरी चौकी मोतीपुर नरकटियाको प्रहरी सहायक निरीक्षक मेवालाल प्रसाद गुप्ताको नेतृत्वमा राति गएको गस्ती टोलीले उनीहरुलाई परोहा नगरपालिका वडा नम्बर ७ चिरान चौकबाट बुधबार राति करिब १ बजे पक्राउ गरिएको हो ।

बिआर ०५ डी ६०३८ र ना६३ प ४७९९ नम्बरको मोटरसाइकलमा एक किशोरी सहित सात जना भारततर्फ लैजादै अवस्थामा संखा लागेर चेक जाँच गर्दा नियन्त्रणमा लिइएको प्रहरीले जानकारी दिएँ । पक्राउ पर्नेमा फतुवा विजयपुर नगरपालिका वडा नम्बर ५ की यादव थरकी १८ वर्षीया किशोरी सहित मौलापुर नगरपालिका वडा नम्बर ८ का २० वर्षीय अनिल पटेल, २० वर्षीय दीपेन्द्र पटेल, वडा नं ५ मौलापुरका १९ वर्षीय अरविन्द ठाकुर, २० वर्षीय धनञ्जय तिवारी, १७ वर्षीय दीपेश यादव र २२ वर्षीय रामबालक पटेल पक्राउ परेका प्रहरी उपरीक्षक सिद्धिविक्रम शाहले जानकारी दिनुभयो । सातै जना जिल्ला प्रहरीको नियन्त्रणमा रहेको र घटना बारे थप छानबिन भइरहेको बताइएको छ ।