निरञ्जन राम चमार हत्या को वास्तविक छानबिन गरि दोषीलाई छिटो भन्दा छिटो कारवाहीको माग प्रेस विज्ञप्तिसहित

कुमार चौरसिया ।
रौतहट ४ भदौ, खोज मिडिया – गरुडा नगरपालिका जिंगडियमा गत श्रावण ३२ गते भएको हत्या गरिएका निरञ्जन राम चमार जनमत पार्टीको भातृ संगठन युवा जनमत संघका सक्रिय कार्यकर्ता थिए र जिंगडिया टोल कमिटी सदस्य थिए । निरञ्जन को मृत्यु कारण रौतहटले एक होनहार युवा जनमत पार्टी रौतहटले नेतृत्व भएको एक कुशल कार्यकर्ता गुमाएको छ। जनमत पार्टी रौतहट मृतक निरञ्जन राम चमार प्रति हार्दिक श्रद्धान्जली व्यक्त गर्दै शोकाकुल परिवार जनहरू प्रति गहिरो संवेदना प्रकट गर्दछ ।

हिजो जनमत पार्टीका स्थानीय नेता एवं जनमत पार्टी रौतहट जिल्ला सदस्य रामलाल यादव , श्याम किशोरि यादव मृतक निरञ्जन को परिवार जनहरू संगै हत्या को वास्तविक छानबिन गर्न र दोषीलाई छिटो भन्दा छिटो कारवाहीको दायरामा ल्याउन आग्रह का साथ इलका प्रहरी कार्यालय गरुडा पुगेका थिए तर त्यहाँ नेता रामलाल यादव र मृतकको परिवारलाई प्रहरी कार्यालयको कम्पाउन्ड भित्र अभद्र व्यवहार र मारपीट गरी धपाइयो नेता रामलाल यादवलाई दुई घण्टा हिरासतमा समेत राखियो मृतकका परिवार जन प्रहरी को मारपीटले घाईते समेत भएका छन् ।

प्रहरी को यस्तो अमानवीय व्यवहार प्रति जनमत पार्टी रौतहट घोर निन्दा गर्दछ त्यस्तो अमानवीय नागरिक प्रति अनउत्तरदायी कार्य गर्न प्रहरी जवानहरलाई निर्देशन गर्ने प्रहरी अधिकारी माथि कारवाही गर्न सम्बन्धित निकाय सगं मांग गर्दै निरञ्जन राम चमार को हत्या गर्ने वास्तविक हत्यारालाई पत्ता लगाई छिटो भन्दा छिटो कारवाहीको दायरामा ल्याउन सुरक्षा निकाय र जिल्ला प्रशासन संग जनमत पार्टी रौतहट यसै प्रेस विज्ञप्ति मार्फत माग गर्द छ ।