आज एकै दिनमा १ सय १४ जनामा कोरोना संक्रमण पुष्टि, नेपालमा संक्रमितको संख्या ८ सय ८६ पुग्यो

१४ जेठ । नेपालमा थप १ सय १४ जनामा कोरोना भाइरसको संक्रमणको पुष्टि भएको छ । स्वास्थ्य तथा जनसंख्या मन्त्रालयका अनुसार योसंगै नेपालमा बुधबार दिउँसोसम्ममा संक्रमितको संख्या कुल ८ सय ८६ पुगेको छ ।
यो संख्या अहिलेसम्मकै उच्च हो । यस अघि हिजो एकै दिन ९० संक्रमित थपिएका थिए ।

स्वास्थ्य तथा जनसंख्या मन्त्रालयमा आज आयोजित नियमित पत्रकार सम्मेलनमा प्रवक्ता डाक्टर विकास देवकोटाले थपिएका संक्रमितहरुमा रौतहटमा ३६ जना, सप्तरीमा ११ जना, झापामा १७ जना, बारामा ८ जना, सिरहामा २ जना , दाङमा १५ जना, रुकुम पूर्वमा ३ जना, बागलुङमा ६ जना र मकवानपुरमा १ जना रहेका छन् ।