परदेशमा संकलन भएको रकम विपन्न परिवारका बालबालिकाहरुलाई सहयोग

रामेछाप जिल्लाको मन्थली नगरपालिका वडा नम्बर ६ बेतिनी हुलाक डाँडाका अनिता शाहीको आर्थिक अवस्था निकै कमजोर छ । उहाँको सम्पतीको नाउमा सानो झ्ुप्रो भत्कन लागेको घर र गोठ छ । ४ जना बालबच्चा , बुढि सासु आमा र अनिता त्यहि सानो झ्ुप्रो भत्कन लागेको घरमा बस्नुहुन्छ । अनिताको श्रीमानको केहि महिना अघि मृत्यु भएपछि ४ जना बालबच्चा पढाउने , बढाउने जिम्मेवारी अनिताको काँधमा आएको छ । परिवारमा कमाउने कोहि पनि छैनन ।

अनिता र उहाँका बुढि सासु आमा अरुको घरमा काम गरेर निकै कष्टले परिवार चलाईरहनुभएको छ । उहाँहरुको अवस्था निकै नाजुक देखेपछि श्री भवानीश्वर भेटघाट सेवा समाजले रामेछाप दोहा सम्पर्क समाज कतारलाई आर्थिक सहयोगका लागी अनुरोघ गर्यो र रामेछाप दोहा सम्पर्क समाज कतारबाट केहि रकमहरु संकलन भयो । संकलन भएको रकम ४० हजारमा भवानीश्वर भेटघाट सेवा समाजले संकलन गरेको ८ हजार रकम सहित ४८ हजार रकम लिएर रामेछाप दोहा सम्पर्क समाज कतारका निवर्तमान अध्यक्ष राजेन्द्र मगर र संस्थाका निवर्तमान उपाध्यक्ष यम बहादुर सेन्चुरी मंगलबार बेतिनी हुलाक डाँडाका अनिताको घरमा आईपुगे ।

हुलाक डाँडा शहरी स्वास्थ्य केन्द्रमा एक कार्यक्रमको आयोजना गरि भवानीश्वर भेटघाट सेवा समाजले सहयोग रकम हस्तान्तर गर्यो । सहयोग रकम हस्तान्तर कार्यक्रममा उपस्थित बेतिनी हुलाक डाँडाका सबै स्थानियहरुले आफुले सकेको केहि रकमहरु सहयोग स्वरुप उपलब्ध गराउन थाले । यसरी कार्यक्रममा उपस्थित स्थानियहरुबाट ६ हजार ७० रुपैयाँ संकलन भयो । स्थानियहरुबाट संकलन भएको रकम सहित ५४ हजार १ सय २५ रुपैयाँ ४ जना बालबालिकाहरुको पठनपाठनमा खर्च गर्ने गरी राटिय वाणिज्य बैँक रामेछापमा संयुक्त खाता खोलेर सो रकम आवश्यक परेको बेलामा झिक्न मिल्ने गरि राख्ने व्यवस्था गरिएको छ ।

कार्यक्रममा पशुपति कटान कपास उद्योगका सन्चालक सरोज आले मगरले ४ जना बालबालिकाहरुका लागी ओढ्ने ओछ्याउने ( सिरक , डस्ना , सिरानी , तन्ना ) उपलब्ध गराउने प्रतिबद्धता व्यक्त गर्नुभयो । कार्यक्रममा मन्थली नगरपालिका वडा नम्बर ६ का कार्यबहाक वडा अध्यक्ष प्रेम बहादुर तामाङ , पत्रकार , सुरक्षाकर्मी लगायत स्थानियहरुको सहभागीता रहेको थियो । यम सेन्चुरी भवानीश्वर भेटघाट सेवा समाजको निवर्तमान सचिव हुनुहुन्छ ।

भवानीश्वर भेटघाट सेवा समाजले विपन्न असहाय नागरीकहरुका लागी सहयोग जुटाउने काम गर्दै आएको छ । रामेछाप दोहा सम्पर्क समाज कतारमा कामको शिलशिलामा गएका नेपालीहरुले स्थापना गरेको संस्था हो । यस संस्थाले परदेशमा अप्ठेरोमा परेका नेपालीहरु , नेपालमा रहेका बेसाहारा , विपन्न र असहाय नागरीकहरुलाई सहयोग गर्दै आएको छ ।