प्रकाशको ३८ औँ जन्मजयन्तीमा प्रचण्ड भावुक बने

मंगलबार नेपाल कम्युनिस्ट पार्टी (नेकपा) का अध्यक्ष पुष्पकमल दाहाल ‘प्रचण्ड’का छोरा प्रकाश दाहालको ३८ औं जन्मजयन्ती मनाइएको छ ।

राष्ट्रियसभामा आयोजित सोही अवसरमा प्रकाश दाहाल प्रतिष्ठानले ‘प्रकाश दाहाल साहसिक सगरमाथा सम्मान’ कार्यक्रम समेत आयोजना गरेको छ ।

प्रतिष्ठानले पाँच जनालाई सम्मान गरेको छ । प्रतिष्ठानकी अध्यक्ष प्रकाशकी जीवनसाथी एवं खानेपानी मन्त्री बिना मगर हुन् । प्रकाश अध्यक्ष प्रचण्डका स्वकिय सचिव समेत थिए । प्रकाशको २०७४ साल मंसिर ३ गते हृदयघातको कारण निधन भएको थियो ।

प्रचण्ड भने सो अवसरमा निक्कै भावुक देखिन्थे । उनको अनुहारमा प्रस्टै देखिन्थो । कार्यक्रममा माधव कुमार नेपाल, ऊर्जा मन्त्री वर्षामान पुनलगायत नेता तथा कार्यकर्ता उपस्थित थिए।