रुकुममा एक युवा गरे आफ्नै बाबुको हत्या

रुकुममा एक युवाले आफ्नै बाबुको हत्या गरेका छन् । जिल्लाको भुमे गाउँपालिका–७ खानीधारका २० वर्षीय विरत विकले आफ्नै बुवा ४१ वर्षीय रमान कामीको हत्या गरेको प्रहरीले जनाएको छ । घरमा केही दिनदेखी सामान्य विवाद हुँदै आएको र बिहीबार बिहान ५ बजे विरतले बाबुको हत्या गरेको प्रारम्भिक अनुसन्धानबाट खुलेको जिल्ला प्रहरी कार्यालय रुकुमका प्रहरी निरीक्षक वरबहादुर सुनारले बताए ।

उनले बाबु रमानको घाँटीमा खुकुरी प्रहार गरेर टाउको अलग हुने गरेर हत्या गरेको उनले बताए। हत्या आरोपमा छोरा विरतलाई प्रहरीले पक्राउ गरेको प्रहरी निरीक्षक सुनारले बताए। बाबु रमानको शव पोष्टमार्टमको लागि जिल्लाको अस्थायी सदरमुकाम रुकुमकोट ल्याइदै छ भने घटनाको थप अनुसन्धान भैरहेको प्रहरीले जनाएको छ ।