चितवन र नवलपुरमा डरलाग्दो हावाहुरी, मौसमविद्ले दिए यस्तो चेतावनी !

हावाहुरीले वितन्डा मच्चाएर बारा र पर्सामा दजनौं व्यक्ति मारिएको घाउ सेलाएको छैन । यो बिचमा अहिले पूर्वी नवलपरासीमा हावाहुरी , असिनासहित आएको बर्षाले ठुलो आतंक मच्चाएको छ ।गए राती असिना , हावाहुरी र बर्षाको कारण ३ सय भन्दा बढि घरमा क्षति पुगेको छ । हावाहुरीका कारण मानविय क्षति भने भएको छैन ।

हावाहुरीका कारण देवचुली नगरपालिकामा धेरै असर परेको जनप्रतिनिधिले जनाएका छन् । स्थानीय बासीन्दाका अनुसार हावाहुरीका कारण कुनै मानवीय क्षती नभएता पनि कायौं घरहरु बस्नै नमिल्ने गरी भत्किएका छन् ।करिब तिन सय घरमा क्षति पुगे पनि हुरीले पुर्याएको क्षतिको विवरण भने आइनसकेको प्रहरीले जनाएको छ । यता आज बेलुका तिर चितवन र नवलपुर क्षेत्रमा आज साँझ हावाहुरीसहित असिना पानी परेको छ ।

नवलपुर क्षेत्रमा मंगलबार साँझ पनि भिषण हावाहुरी चल्दा सयौं घरमा क्षति पु¥याएको थियो । आज पनि अहिले यस क्षेत्रमा हावाहुरीसहित भिषण पानी परिरहेको छ ।जेष्ठ ०८ गते (बुधबार): राति: देशका अधिकांश भूभागमा आंशिक देखि सामान्य बदलि रही देशका पूर्वी तथा मध्य भूभागका केहि स्थानहरुमा र पश्चिमी क्षेत्रका एक-दुई स्थानहरुमा मेघ गर्जन , हावाहुरी सहित वर्षाको सम्भावना छ ।

जेष्ठ ०९ गते (बिहिबार ): दिउँसो:देशका अधिकांश भूभागमा आंशिक बदलि रही अपरान्ह पछि सामान्य बदलि भई केहि स्थानहरुमा मेघ गर्जन , हावाहुरी सहित वर्षाको सम्भावना छ ।राति: देशका अधिकांश भूभागमा आंशिक देखि सामान्य बदलि रही केहि स्थानहरुमा मेघ गर्जन , हावाहुरी सहित वर्षाको सम्भावना छ ।

जेष्ठ १० गते (शुक्रबार): दिउँसो:देशको पहाडी भूभामा आंशिक बदलि रही अपरान्ह पछि सामान्य बदलि भई थोरै स्थानहरुमा मेघ गर्जन , हावाहुरी सहित वर्षाको सम्भावना छ। तराई भूभाग आंसिक बदलि रहने देखिन्छ ।राति: देशका अधिकांश भूभागमा आंशिक देखि सामान्य बदलि रही देशका पूर्वी भूभागका थोरै स्थानहरुमा र पश्चिमी तथा मध्य क्षेत्रका १/२ स्थानहरुमा मेघ गर्जन , हावाहुरी सहित वर्षाको सम्भावना छ ।

यो भिडियो हेर्नुस :