सन्देश अन्तर्राष्ट्रिय अवार्ड मलेसियामा विभिन्न १२ बिधामा अवार्ड बितरण ।

उत्तम बिक, मलेसिया रेडियो सन्देश १०६.८९ मेगाहर्जको विशेष आयोजनामा मलेसियाको राजधानी क्वालालम्पुरमा दोश्रो सन्देश अन्तर्राष्ट्रिय अवार्ड कार्यक्रम सम्पन्न भएको छ । विभिन्न १२ बिधामा अवार्ड बितरण गरिएको उक्त कार्यक्रममा मलेसियाका लागि नेपाली राजदूत उदयराज पाण्डे प्रमुख अतिथी तथा विभिन्न संघ सस्थाका प्रमुख तथा प्रतिनिधिहरु अतिथी रहेका थिए । नेपाल टेलिकम, एनआरएनए मलेसिया, नेपाल पत्रकार महासंघ मलेसिया, जनजाति पत्रकार महासंघ मलेसिया लगायत नेपाली रेस्टुरेन्ट तथा ब्यबसायिहरुले प्रायोजन गरेको उक्त कार्यक्रममा अतिथी कलाकार बल्छी ध्रुबेको विशेष प्रस्तुती रहेको थियो । विभिन्न १२ बिधामा बितरण गरिएको अवार्ड कार्यक्रममा क्रमश एजुकेसन अवार्ड वीरबंश बैठा, सोसलिज्म अवार्ड सि एम रिमाल, हेल्थपर्सन अवार्ड ङाजिलाल लामा,आईटी पर्सन अवार्ड गजेन्द्र चालिसे, युथपर्सन अवार्ड सन्तोष पराजुली र यज्ञराज सापकोटा, युथ बिज्नेशपर्सन अवार्ड श्रीराज भन्डारी, चलचित्र पत्रकार अवार्ड रबि अधिकारी, आर्टिस्ट अवार्ड फुर्बा दोर्जे लामा, जर्नलिस्ट अवार्ड तिलक अधिकारी, कमेडियन अवार्ड बल्छी धुर्बे मरिचमान श्रेष्ठ, मुभिपर्सन अवार्ड सुसान्त श्रेष्ठ, सन्देश ईन्टरनेश्नल रेस्पेक्ट अवार्ड शंकर बहादुर पौडेल र सन्देश नेश्नल रेस्पेक्ट अवार्ड खगेन्द्र न्यौपाने लगायतलाई अवार्ड बितरण गरिएको थियो । मलेसियामा रहेका नेपाली कलाकारहरुको सानदार प्रस्तुती रहेको कार्यक्रममा सन्देश अवार्डको संयोजक तथा रेडियो सन्देशको अध्यक्ष सुनिल खडकाले कार्यक्रम बारे प्रकाश पार्दै कार्यक्रममा उपस्थित सबैलाई धन्यवाद दिएका थिए ।