काभ्रे सेवा समाज युएईको चौथो अधिवेशन सम्पन्न ,दिल लामा पुन: अध्यक्ष

खोज मिडिया – काठमाडौँ काभ्रे सेवा समाज युएईको २९ नोभेम्बर २०१९ मा सम्पन्न चौथो अधिवेशन मार्फत अध्यक्षमा दोश्रो पटक पुन दिल लामा निर्वाचित भएका छन ।

युएईको दुबई शहर अन्तर्गत एभरेष्ट क्लब बरदुबईमा सम्पन्न अधिवेशनले दिल लामा अध्यक्ष रहने गरि २५ सदस्यीय कार्यसमिति चयन गरेको छ । जस्को बरिष्ठ उपाध्यक्षमा गोबिन्द पन्त सहित उपाध्यक्षमा योगेश लामा र नबिन दोङ निर्वाचित भएका छन । त्यसैगरि महासचिवमा जनक सापकोटा, सचिव ग्याम्सो लामा, सहसचिव ओम तामाङ, कोषाध्यक्ष रबिन तामाङ, सहकोषाध्यक्ष फुर्ब लामा र प्रबक्तामा सुनिल लामा निर्वाचित भएको नवनिर्वाचित अध्यक्ष दिल लामाले जानकारी दिएका छन ।

निकै भब्य रुपमा सम्पन्न भएको अधिवेशनले महिला बिभाग प्रमुखमा साबित्री पन्त, प्रशासन प्रमुखमा राजकुमार सापकोटा, सामाजिक बिकास प्रमुखमा प्रदिप सापकोटा, अन्तराष्ट्रिय बिभाग प्रमुखमा अशोक बानियाँ, सांस्कृतिक बिभाग प्रमुखमा प्रबेग दोङ र खेलकुद बिभाग प्रमुखमा निरन्जन बस्नेतलाई चयन गरेको छ ।

नयाँ कार्यसमिति सदस्यहरुमा क्रमश रबिन श्रेष्ठ, आकाश लामा, चन्द्र बहादुर तामाङ, जानुका पन्त, रजनी तामाङ, राम बहादुर रावत, शैलेस तामाङ र केशरी तामाङ चयन भएका छन । चौथो अधिवेशन संगै आयोजित अनाथ बालबालिकाको लागी अक्षयकोष स्थापनार्थ बृहत सांस्कृतिक कार्यक्रमले अधिवेशन हल संगितमय भएको थियो भने नेपाल देखि युएई पुगेका अतिथी कलाकार लोक दोहोरी मोडल रिना थापा र संगितकार तथा गायक बिशाल काल्तनको प्रस्तुतिले भरपुर मनोरन्जन दिलाएको थियो ।

युएईमा रहेका नेपाली कलाकारहरुको मनोरन्जनात्मक प्रस्तुति संगैं मगर ब्रदर्श लाईभ ब्याण्ड र बेसारेको मायाजाल टिमको सानदार प्रस्तुति रहेको उक्त कार्यक्रमको सञ्चालन बलराम बस्नेत र अञ्जली लोप्चनले गरेका थिए । युएईका नेपाली राजदुत कृष्ण प्रसाद ढकालको भिडियो सन्देश मार्फत उदघाटन गरिएको कार्यक्रममा नवनिर्वाचित अध्यक्ष दिल लामाले उपस्थित सबैलाई धन्यबाद दिदै आगमी दिनहरुमा युएईमा क्रियाशिल संघ संस्थाहरु एक ढिक्का भएर हातेमालो गर्दै अगाडी बढनु पर्नेमा जोड दिएका थिए ।