सेलो तथा फापरे गायक पोंग्दिला च्याङबाको भिडियो सार्बजनिक

काठमाडौँ – शुक्रबार तामाङ घेदुङको सभाहल काठमाडौंमा एक कार्यक्रमबीच उक्त म्युजिक भिडियो सार्वजनिक गरेको हो । गायकलार्इ चर्चित सेलो गायिका शशिकला मोक्तानले साथ दिएका छन् । गायककै शब्द र संगीत रहेको भिडियोमा परदेशी जीवनको भोगाईलाई उठाएको कथा रहेको छ ।

उक्त भिडियोमा गायक आफै,सन्ध्या सुस्केरा, जमुना महर्जन, ठुले योन्जन तामाङ, हर्क योन्जन तामाङ, मुकेश प्रधान, धुग्युद तेन्जिङ लामा, रशिला तामाङ, जीवन घिसिङ र पुन्ज्युङ योन्जनका अभिनय रहेका छन् भने रेशमकुमार स्याउली तामाङले निर्देशन गरेको भिडियोको छायांकन बासु न्यौपानेले गरेको छ ।

यसैगरी रोशन धितानले सम्पादन गरेको भिडियोको संगीत संयोजन पवनवाङ लामाले गरेका हुन् ।जात्रा, मेलामा फापारे गीत गाउँदै आएका च्याङबाको ‘जुराम ल्हाम ल्हाम’, ‘अंशमा पाको आपको घर’ यसअघि आइसकेको छ ।

यस म्युजिक भिडियो सार्बजनिक कार्यक्रममा प्रमुख अतिथि अग्रज बरिस्ठ  गायक चन्द्र कुमार मोक्तान ,बिशेष अतिथि तामाङ कलाकार संघका अध्यक्ष संजिव वाइबा,बिशिस्ट अतिथिहरु बरिस्ठ गायिका कुन्ती मोक्तान ,गायक संगीतकार भरत योन्जन,लाल बहादुर योन्जन, नेपालमा पहिलो तामाङ महिला गायिका माया लामा लगायत थुप्रै कलाकार ,पत्रकार र बुध्दिजीबीहरुको बाक्लो उपस्थिति रहेको थियो भने सभाध्यक्ष  पोंग्दिला च्याङबाकै सभापतित्वमा कार्यक्रम समापन भएको थियो ।

भिडियोको लागि यो लिंक क्लिक गर्नु होला