खास्ति नेवाःपुच द्धारा साईकाल र्‍याली सम्पन्न ।

सन्ध्या सुस्केरा काठमाण्डौं,नोवाःपुचद्धार बौद्धनाथ क्षेत्र बिकास समितिको संयोजकत्वमा ०९ कार्तिक २०७६ का दिन तिन दिने कार्यक्रम अन्तर्गत प्रथम दिनको साईकल र्‍याली  कार्यक्रम भव्य रुपमा सम्पन्न गरेको छ ।
नेपाल संबत ११४० (न्हुं भिन्तुना) को बिशेष अवसर तथा शुभदिपावलीको उपलक्ष्यमा पर्यटन बर्ष सन २०२० लाई टेवा पुराउने उद्धेश्यका साथ समितिले उक्त कार्यक्रम आयोजना गरेको हो ।
बौद्धनाथ क्षेत्र बिकास समितिका पुर्ब अध्यक्ष चन्द्र मान लामाको प्रमुख आतिथ्य तथा नेपाली सिने जगतकी चर्चित नायिका पुजना प्रधानको बिशेष आतिथ्यमा सम्पन्न कार्यक्रम बौद्ध धर्मावलम्बीहरुको आस्थाको धरोहरा बौद्ध स्तुपा गेटबाट शुरु भई तिनचुली, गोकर्णा पशुपति चाबहिल हुदै पुन बौद्ध गेटमा आएर सम्पन्न भएको थियो ।
समितिले बांकी कार्यक्रम अन्तर्गत आगमी कार्तिक ११ गते बौद्ध स्तुपा परिसर सरसफाई, झाँकी सहितको शान्ति र्‍याली तथा साँस्कृतिक कार्यक्रम र कार्तिक १२ गते नयाँ बर्ष आरम्भको अवसरमा भिन्तुना र्‍याली गरेर मण्डला बनाउने, साथमा नेवारी भोजको आयोजना सहित बिभिन्न ब्यक्तीत्वहरुलाई सम्मान गर्ने लक्ष्य रहेको समेत आयोजकले जानकारी दिएको छ ।