तामाङ चलचित्र पोखरामा प्रदर्शन हुदै

खोज मिडिया, काठमाडौँ / तामाङ चलचित्र टुहुरोला ल्हुई पहिलो चोटी उपत्यका बाहिर पोखरामा हुने भएको छ। उक्त चलचित्र उपत्यकामा प्रदर्शन पछि नेपाल तामाङ घेदुङ पोखरा महानगर समितीको आयोजनामा यहि भदौ २८ गते शनिबार बिहान ८ बजे  पोखराको बिन्दबासिनी हलमा प्रदर्शन गर्ने भएको छ।

रोशी फिल्मको ब्यानरमा बनेको निर्देशक /निर्माता बिनय दोङ्गद्वारा निर्देशित सातौ तामाङ फिल्म टुहुरोला ल्हुई नायिका रोष्नि ब्लोन,नायक बुद्व थिङ, कलाकारहरु सजिता दोङ, वाइबा,छ्योइसाङ बमजन ,राजु वाइबा लगायतका कलाकारहरुको बेजोड अभिनय रहेका चलचित्रको संगित जोगलाल लामा ,गित हस्त लामा ,नृत्य बुद्व लामा ,गायक आशुसेन लामा,गायिका शशिकला मोक्तान र द्वन्द सोनाम लामाको रहेको छ।

छ्युमी लमिनी म्हार्साङ घिसिङको निर्माता र ऋतुराज पाख्रिनको कथा /पटकथामा रहेको उक्त चलचित्र ७२ सालको भुकम्पमा आधारित कहानीमा रहेको निर्देशक दोङले बताउनु भएको छ।

उक्त चलचित्र निश्चित समयमै प्रदर्शन हुने भएकोले सम्पूर्ण पोख्रेलिबासि तामाङ चलचित्र प्रेमी दर्शकहरुलाई तामाङ चलचित्र टुहुरोला ल्हुई हेर्न आउनु हुन आयोजकले बिनम्र अनुरोध समेत गरेको छ।