युएईमा तिज धमाका भब्य हुने तयारी अन्तिम
778 Views
मितेरी समाज युएईले यहि अगस्ट 30 तारिक आयोजना गर्न लागेको तीज विशेष सांस्कृतिक धमाका-२०१९ को तयारी अन्तिम चरणमा पुगेको बताएको छ । मितेरी समाज युएईले स्थापनाकाल देखि नै सामाजिक ,सास्कृतिक , सहयोगार्थ अभियानहरु साथै बिगत बर्षहरुमा तिज बिसेष कार्यक्रमहरु गरेता पनि नेपाल देखि रास्ट्रिय कलाकारहरु भने पहिलो चोटी ल्याउन लागिएको हो अध्यक्ष प्रदिप पुन मगरले बताउनु भयो ।
उनले कार्यक्रमको सबै तयारी अन्तिम चरणमा पुगेको जानकारी दिदै सहकार्यको लागि युएईका सबै क्रियाशील संघसंस्थाहरुसँग सहकार्य भई रहेको बताए ।
कार्यक्रम यहि आउदो ३० अगस्त २०१९ शुक्रबार युएईको सुन्दर शहर अल ऐन स्थित लयाली बनाफ्साज होस्पिटालिटि (जावेल दवर) मा हुँदैछ। मितेरी समाजको मुख्य आयोजना र हाल अल ऐनमा क्रियाशील विभिन्न सामाजिक संघसंस्थाहरुसँगको विशेष सहकार्य रहने सो कार्यक्रम दिउँसो एक बजेबाट सुरु हुने छ ।
नेपालबाट राष्ट्रिय कलाकार लोकदोहोरी गायक राजु ढकालसंगै लोकप्रिय लोकदोहोरी गायिका सम्झना लामिछाने मगरको प्रस्तुती रहनेछ। साथमा फ्यूजन डान्स ग्रुप दुबईको विशेष प्रस्तुती र ख्याती प्राप्त प्रवासी कलाकारहरु पारश लामा तामाङ,सन्ध्या थापा,दिव्या सुब्बा,रेबिका मगर,धड्कन तामाङ ,दिपक गुरुङ दिपिका लगाएतको भब्य प्रस्तुति रहनेछ।
यो पनि हेर्नुहोस
प्रतिक्रिया दिनुहोस