जनगायक खुसिराम पाख्रीन र तारा प्रसाद तिम्सिनाको स्मृतीमा साहित्य शृङ्खला पोखराको २७८ औं नियमित रचना वाचन सम्पन्न

मंसिर ६ पोखरा । पाख्रीन र तिम्सिनाको स्मृती गर्दै साहित्य शृङ्खला पोखराको २७८ औं नियमित रचना वाचन कार्यक्रम पोखरामा सम्पन्न ।
साहित्य शृङ्खला पोखराको नियमित रचना वाचनको २७८औं शृङ्खला २०८२ मंसिर ६ गते शनिवारका दिन पश्चिमाञ्चल मा.बि,गैह्रापाटन पोखराको सभाहलमा जनगायक खुसिराम पाख्रीन र शृङ्खलाका उपाध्यक्ष एबम आलोक शृङ्खलाका सम्पादक तारा प्रसाद तिम्सिनाको स्मृतिमा दुबै सर्जकहरुको योगदानको चर्चा गर्दै उनिहरुद्वारा रचित गित,कबिताहरु सहित स्रस्टाहरुको अब्बल रचना वाचन गर्दै विशिष्ट साहित्यकारहरुको उपस्थितिमा भब्य रुपमा सम्पन्न भयो।

शृङखलामा बाचित रचनाहरुको समीक्षा गर्दै नेपाल प्रज्ञाप्रतिष्ठानका सभासदस्य प्राज्ञ नारायण मरासिनीले कृतिशेष द्वय तिम्सिना र पाख्रीनका योगदानको समेत चर्चा गरेका थिए।कलाकारहरुले मौसम अनुसारको गितहरु पस्किरहेकामा यो मंसिर महिनाको शृङ्खलामा दाईंबरादो गित गाउन पाएको भए कार्यक्रम अझै सुन्दर बन्ने थियो भन्दै प्राज्ञ मरासिनीले कार्यक्रमको ओझ अझै बढ्दै गएकोमा खुसी ब्यक्त गरेका थिए।

बामबुद्दिजिवी एबम सल्लाहकार रामराज रेग्मीले दुबै स्रष्टाहरुको रचना वाचन गर्दै साहित्यिक क्षेत्रमा र जनबादी गित संगितको क्षेत्रमा अपुरणिय क्षती भएको कुरा सो अवसरमा दर्शाएका थिए। अर्का सल्लाहाकार नारायण परिश्रमीले पाख्रीनका “कालो बनको बिचैमा “बोलको गितलाई केही अंश प्यारोडी बनाएर गाएका थिए।आगामी दिनमा पुरै गितलाई प्यारोडीमा ढालेर पुस्तक निकाल्ने भन्दै पाख्रीनप्रती सम्मान ब्यक्त गरेक थिए।

सल्लाहकार धन बहादुर नेपालीले बिन्ती छ कबिता मार्फत हाम्रो राष्ट्रिय झन्डालाई अपमान गर्नु भनेको देश र जनतामाथीको अपमान हो भन्दै जेन्जी आन्दोलनले समाजमा पारेको नकारात्मक प्रभाबका बारेमा कबिता मार्फत प्रकाश पारेका थिए। निवर्तमान अध्यक्ष लक्ष्मी थापाले “हातमा ठेला घरमा भोकमरी किन हुन्छ?”शिर्षकको गजल वाचन गरेकी थिइन्।

शृङ्खलाका पुर्व अध्यक्ष एबम् सल्लाहाकार यादब राज उपाध्यायले ताराप्रसाद तिम्सिनाको योगदानको चर्चा गर्दै सादा जीवन उच्च बिचार भएको बहुआयामिक ब्यक्तित्व माथी प्रकाश पारेका थिए। गण्डकी साहित्य सङ्गमका अध्यक्ष भिम रानाभाटले खुसिराम पाख्रीनको जिवनी र योगदानको बारेमा चर्चा गर्दै गोरखा,लमजुङ,तनहुँका धेरै ठाउँहरुमा भएको भेट आफू कर्मचारी रहेको अबस्थामा समेत पाख्रीनका गितहरुले आफुमाथी प्रभाब पारेको खुलासा गरेका थिए।

तमु साहित्य मञ्चका अध्यक्ष चाक्ली तमुले चरवटा शसक्त मुक्तक वाचन गरेका थिए। लघुकथा प्रतिष्ठानका अध्यक्ष कल्याण पन्तले प्रबृत्ति शिर्षकको लघुकथा मार्फत नेपालका मन्त्रीहरुलाई तीखो ब्यङ्ग्य प्रहार गरेका थिए। लघुकथा प्रतिष्ठानका निवर्तमान अध्यक्ष लक्ष्मण थापाले समुन्द्र,ताल-तलैया,आकाश,धर्ती सब चुपचाप छ ,मानव मात्र किन हल्ला गर्दैछ?भन्दै चुपचाप शिर्षकको शसक्त कबिता वाचन गरेका थिए।अर्का लघुकथाकार बिष्णु प्रसाद बास्तोलाले मरे मरोस शिर्षकको लघुकथा सुनाएका थिए।

ऋषीकेश बरालले मेरो भाइटिका शिर्षकको सार्दुलबिक्रीडित छन्दमा रहेको तिहारको महिमा बोकेको कविता सुनाएका थिए। लोचना अधिकारीले लोकलयमा आधारित जेन्जीसङ्ग सम्बन्धित गित लयबद्ध रुपमा गाएकी थिइन्।लक्ष्मीप्रसाद पौडेलले कसिंगर र परजिवी शिर्षकको कबिता सुनाएका थिए। प्रगतिशील लेखक संघ कास्की अध्यक्ष छवि सुबेदी बिजयीले ताराप्रसाद तिम्सिनाप्रती सम्मान ब्यक्त गर्दै राष्ट्रबादी तारा झर्यो शिर्षकको मार्मिक कविता सुनाएका थिए।

अल्पबिराम पोखरेलीले टाउको बिहिन शाषकहरु कलासंस्कृती प्रती अनुदार रहेको भन्दै जातिय संघियताको बिरोध गर्दै कविता वाचन गरेका थिए। बाटुलेचौरका स्रस्टा सुवास अधिकारीले म शिर्षकको कबिता मार्फत वर्तमान परिस्थितिको उजागर गरेका थिए।अर्का स्रस्टा भोला कँडेलले मातृभुमिप्रती आगाध स्नेह जगाउदै सिमा मिचिएको प्रसङ्ग गित मार्फत कोट्याएका थिए।

युवा साहित्यकार माधब खतिवडाले काचो मसान शिर्षकमा अरुलाई गाली बेइज्जत गरेर धम्क्याउदैमा क्रान्तिकारी भईंदैन भन्दै जेन्जीले मच्चाएको बिध्वंस र बिद्रोहको बारेमा तीखो व्यंग्य कस्दै समसामयिक कविता प्रस्तुत गरेका थिए। सङ्गम सास्कृतिक मञ्चका सचिव बिकास लुङ्गेलीले पाख्रीनद्वारा रचित “कालो बनको बिचैमा” गित गाउदा उपस्थित स्रस्टाहरु मन्त्रमुग्ध हुँदै भावुक भएका थिए।

सङ्गमकै कलाकार डि बि बान्तवाले पाख्रीनका कालजयी गित गैटी बेल्चा उचालेर गाउदा हल तालीले गुन्जयमान भएको थियो।चियाङ तमुले उठौंन अब जुटौं न सबै गित गाएका थिए भने जीवन शर्माद्वारा रचित रक्तिमका गाउदै शिलगुडी बोलको गित शृङ्खलका संस्थापक अध्यक्ष स्ट्रगल रानाले मीठो स्वरमा गाएका थिए।सो अवसरमा बामबुद्धिजिवी रामजी थापा,साहित्यकार समालोचक निर्मल सापकोटाको समेत उपस्थिती रहेको थियो।

कार्यक्रममा उपस्थित स्रस्टामहानुभाबहरुलाइ स्वागत गर्दै उपाध्यक्ष लिला पण्डितले महिलाहरुले भोग्दै आइरहेको छाउपडी प्रथाको बिरोधमा शसक्त कबिता सुनाएकी थिइन्।कार्यक्रमको अध्यक्षता संस्थाका अध्यक्ष लक्ष्मण गौतम हिमालीले गरेका थिए भने कार्यक्रमको सञ्चालन सचिव काजी गाउँलेले गरेका थिए।