रामेछापमा एक जनप्रतिनिधिले आफुले पाउने तलवबाट विधार्थीहरुलाई गरे स्टेसनरी सहयोग

रोमन लामा
रामेछाप ८ चैत्र  खोज मिडिया। रामेछाप जिल्लाको सुनापती गाउँपालिका वडा नं -४ स्थित सुनापती आधारभूत विद्यालय र चन्द्र सुर्य आधारभूत विद्यालयमा आज विधार्थीहरुलाई स्टेसनरी सहयोग जुटेको छ।  पछिल्लो समयमा सुनापती गाउँपालिकाका विद्यालयहरुमा सहयोग गर्ने सहयोगी हातहरु जुट्ने क्रममा आज  सुनापती आधारभूत विद्यालय र चन्द्र सुर्य आधारभूत विद्यालय पनि सुनापती गाउँपालिका वडा नं -४का वडा अध्यक्ष खड्का घिसिङ्गले  विधार्थीहरुलाई स्टेसनरी सहयोग गरेका छन्।

सुनापती गाउँपालिका वडा नं -४ को वडा अध्यक्ष खड्का घिसिङले  सुनापती आधारभूत विद्यालयको नर्सरी देखि कक्षा ८ सम्म अध्ययनरत  ५५ जना र चन्द्र सुर्य आधारभूत विद्यालय नर्सरी देखि कक्षा ३ सम्मका २५ जना विद्यार्थीहरुका लागि आफूले जनप्रतिनिधि भए बापतको पाउने तलव भत्ता रकम मध्येबाट राज्यलाई  बुझाउनु कर बाहेकको सम्पूर्ण तलव भत्ता मध्येबाट आजको मिति देखि बाँकी कार्यकाल रहेसम्मको सम्पूर्ण रकम मध्येबाट केहि रकमको आज स्टेसनरी सामग्रीहरु वितरण गर्नु भएको  छ । बाँकी दिनहरुमा पनि स्टेसनरी सामग्रीहरु वितरण गर्नु हुने जनाउनु भएको छ ।

सो  कुराको जानकारी सुनापती आधारभूत विद्यालयको वि.व्य.स. अध्यक्ष कमान सिङ तामाङले खोज मिडियालाई  बताउनु भयो । उक्त्त सहयोगको लागि प्र.अ. कविन्द्र खडकाले समाजसेवी ,राजनितिज्ञ  तथा जनप्रतिनिधि खड्का घिसिङ्गलाई विद्यालय परिवारको तर्फबाट उच्च सम्मान सहित हार्दिक कृतज्ञता व्यक्त गर्नु भयो।