निमा धावा दोर्जेलिङ्ग गुम्बा र कालीदेवी मन्दिरलाई अमेरिकाबाट सहयोग जुट्दै

रोमन लामा
रामेछाप ७ चैत्र खोज मिडिया। रामेछाप जिल्लाको सुनापती गाउँपालिका वडा नं-५ स्थित हिजो शुक्रवार स्व. धन बहादुर लामा र स्व. माइली लामाको स्मृति सभा कार्यक्रम सम्पन्न भएको छ। सो स्मृति सभा कार्यक्रमको प्रमुख अतिथि सुनापती गाउँपालिका वडा नं-५ का वडा अध्यक्ष ठुलो कान्छा तामाङ , विशेष अतिथिमा सोहि वडाका वडा सदस्य प्रेम सागर थापा , अतिथिमा निमा धावा दोर्जेलिङ्ग  गुम्बाका प्रमुख लामा पदम बहादुर तामाङ लगायत सोहि वडाका सम्पूर्ण स्थानियहरुको उपस्थिति रहेको थियो।  सो स्मृति सभा कार्यक्रमको सभापतित्व निमा धावा दोर्जेलिङ्ग गुम्बाका अध्यक्ष दान बहादुर तामाङले गर्नु भएको थियो भने सोहि कार्यक्रमको संचालन खोज मिडिया रामेछापका रिपोर्टर रोमन लामाले गरेको थियो।

हिजो सम्पन्न भएको स्व. धन बहादुर लामा र स्व. माइली लामाको स्मृति सभा कार्यक्रममा स्व. धन बहादुर लामा र स्व. माइली लामाको अमेरिका निवासी छोरी बृहस्पती लामाले प्रदान गर्नु भएको सहयोग स्व. धन बहादुर लामा र स्व. माइली लामाको छोराहरु गंगाराज लामा र मेघराज लामाको हातबाट निमा धावा दोर्जेलिङ्ग गुम्बालाई ५० थान प्लास्टिकको कुर्सी सो गुम्बाको अध्यक्ष दान बहादुर तामाङ समक्ष हस्तान्तरण गर्नु भएको छ।  त्यसैगरी सुनापती गाउँपालिका वडा नं-५ देवीस्थान स्थित वडा कार्यालयसँगै रहेको कालीदेवी मन्दिरको लागि फलामको बेन्च ५ थान, गजुर, घण्टी, महादेवको शिला, साँढे, त्रिशुल  स्थानीय बुद्धिजीवी  बोंबो झाँक्री सानोभिम बहादुर तामाङ समक्ष हस्तान्तरण गर्नु भएको छ। समाजसेवी गङ्गाराज लामाले आउदै गरेको बैशाख पुर्णिमा अगावै मन्दिरको लागि अति आवश्यक सामाग्रीहरु फेरि पनि सहयोग गर्ने प्रतिवद्धता गर्नु भएको छ।

उक्त कार्यक्रममा स्थानीय बुद्धिजीवी  बोंबो झाँक्री सानोभिम बहादुर तामाङ , समाजसेवी गंगाराज लामा , निमा धावा दोर्जेलिङ्ग  गुम्बाका प्रमुख लामा पदम बहादुर तामाङ , विशेष अतिथि वडा सदस्य प्रेम सागर थापा , प्रमुख अतिथि सुनापती गाउँपालिका वडा नं-५ का वडा अध्यक्ष ठुलो कान्छा तामाङले सान्दर्भिक भनाइ राख्नु भएको थियो। प्रमुख अतिथि सुनापती गाउँपालिका वडा नं-५ का वडा अध्यक्ष ठुलो कान्छा तामाङले सो मन्दिरलाई अझै राम्रो बनाउने  प्रतिवद्धता सोही कार्यक्रममा जाहेर गर्नु भएको थियो।