बन्यो झोलुङ्गे पुल सुनापती गाउँपालिकाको कामाखोलामा

रोमन लामा
रामेछाप २६ माघ खोज मिडिया। रामेछाप जिल्लाको सुनापती गाउँपालिका वडा नं-३ को आरुखर्क कामाखोलामा १०६ मिटर लामो झोलुङ्गे पुल बनेको छ। उक्त पुलको उद्धघाटन प्रमुख अतिथि सुनापती गाउँपालिकाको अध्यक्ष  धावा लामाले गर्नु भएको छ।  आज भएको झोलुङ्गे पुल उद्धघाटन कार्यक्रमको प्रमुख अतिथि सुनापती गाउँपालिकाको अध्यक्ष  धावा लामा , विशेष अतिथि सुनापती गाउँपालिकाको उपाध्यक्ष गिता विष्ट , अतिथिहरुमा प्रशासकीय प्रमुख राममणि काफ्ले , सुनापती गाउँपालिकाको पाँचै वडाको वडा अध्यक्षहरु चण्डेश्वर चौलागाई , कमल के.सी. , बाबुराम तामाङ्ग , खड्का घिसिङ्ग , ठुलोकान्छा तामाङ्ग त्यसैगरी नेकपा जिल्ला सदस्य तथा रामेछाप जिल्लाको नेपाल आदिवासी जनजाति महासंघको अध्यक्ष दिपक ह्योल्मो लगायत स्थानिय नेतागण रहेका छन्। उक्त कार्यक्रमको संचालन बिमला ग्यापकले गरेका थिए। पुलको उद्धघाटन कार्यक्रममा स्थानिय बासिन्दाहरुको राम्रो उपस्थिति थियो।

सो झोलुङ्गे पुल २०७६ वैशाख ५ गते सम्झौता भई झन्डै डेढ वर्षमा निर्माण कार्य सम्पन्न भएको छ।  सो पुल निर्माण कार्यको उपभोक्ता समितिको अध्यक्ष कान्छा लामाले समयमै निर्माण कार्य सम्पन्न गरी गाउँपालिकालाई बुझाएको छ। ४४,०४,०७८.४६।- (चवालिस लाख चार हजार अठहत्तर रुपैया छयालीस पैसा ) लागतमा निर्माण भएको पुलको लम्बाई १०६ मिटर लामो छ।  उक्त पुलले पुलको वारीपारी यात्रा गर्न सहज बनाएको छ।  सो कुराको जानकारी नेकपा जिल्ला सदस्य तथा रामेछाप जिल्लाको नेपाल आदिवासी जनजाति महासंघको अध्यक्ष दिपक ह्योल्मोले खोज मिडियासँग बताउनु भयो।