सुनापती गाउँपालिकाको नेपाल शिक्षक संघको तेस्रो स्थानीय प्रतिनिधि सभा सम्पन्न

रोमन लामा
रामेछाप २४ माघ खोज मिडिया।  रामेछाप जिल्लाको सुनापती गाउँपालिकामा सुनापती गाउँपालिकाको नेपाल शिक्षक संघको तेस्रो स्थानीय प्रतिनिधि सभा सम्पन्न भएको छ। सो कार्यक्रम श्री कृष्णपुरी माध्यामिक विद्यालय सुनपाती-५ , रूपाकोट, रामेछापमा भएको थियो।  आज भएको उक्त कार्यक्रमको प्रमुख अतिथि जिल्ला शिक्षक संघ रामेछापका सचिव अर्जुन श्रेष्ठ , विशिष्ट अतिथिहरु जिल्ला शिक्षक महासंघका अर्जुन बुढाथोकी र अतिथिहरुमा दोरम्बा गाउँपालिकाको शिक्षक महासंघका अध्यक्ष सन्तलाल मगर , सुनापती गाउँपालिकाको नेपाली काङ्ग्रेसको सभापति बाबुलाल योन्जन , सुनापती गाउँपालिका वडा नं-५ को नेपाली काङ्ग्रेसको इकाइ सभापति जनक खड्का , सुनापती गाउँपालिका वडा नं-४ नेपाली काङ्ग्रेसको इकाइ सभापति रमेश के.सी. लगायत हुनुहुन्थ्यो।

सुनापती गाउँपालिकाको नेपाल शिक्षक संघको तेस्रो स्थानीय प्रतिनिधि सभाको सभापतित्व सुनापती गाउँपालिकाको नेपाल शिक्षक संघको अध्यक्ष ज्ञानेन्द्र मोक्तानले गर्नु भएको थियो। खाडादेवी आ.वि. का शिक्षक इन्द्र बहादुर खड्का , कुश्वेर मा.वि. बेथानका शिक्षिका सुनिता चिलवाल , कृष्णपुरी मा.वि. रुपाकोटका प्र.अ. राम बहादुर तामाङ , दोरम्बा गाउँपालिकाको शिक्षक महासंघका अध्यक्ष सन्तलाल मगर , जिल्ला शिक्षक महासंघका अर्जुन बुढाथोकी , सुनापती गाउँपालिकाको नेपाली काङ्ग्रेसको सभापति बाबुलाल योन्जन , सुनापती गाउँपालिका वडा नं-५ को नेपाली काङ्ग्रेसको इकाइ सभापति जनक खड्का , सुनापती गाउँपालिका वडा नं-४ नेपाली काङ्ग्रेसको इकाइ सभापति रमेश के.सी.  , शिक्षक संघ सुनापतीका उपाध्यक्ष सुन्दर पुलामी लगायतले सुनापती गाउँपालिकाको नेपाल शिक्षक संघको तेस्रो स्थानीय प्रतिनिधि सभा कार्यक्रम सफलताको शुभकामना मन्तव्य राखेका थिए।

उक्त कार्यक्रमको बारेमा सम्पूर्ण जानकारी प्रमुख अतिथि जिल्ला शिक्षक संघ रामेछापका सचिव अर्जुन श्रेष्ठले विगतमा भएका कुराहरु , भावी रणनितीका बारेमा स्पष्ट पारेको थियो। सुनापती गाउँपालिकाको नेपाल शिक्षक संघको अध्यक्ष ज्ञानेन्द्र मोक्तानले संघको सम्पूर्ण भए गरेका कार्यहरुको अवगत गर्नु हुदै बन्दै गरेको शिक्षक संघको भवनको लागि रु.५,००१।-(अक्षरुपी पाँच हजार एक रुपैया मात्र) आर्थिक सहयोग गर्नु भएको छ।