सुनापती-५ मा गठन गरियो तामाङ घेदुङको वडा स्तरिय समिती

रोमन लामा
रामेछाप २२ माघ खोज मिडिया। रामेछाप जिल्लाको सुनापती गाउँपालिकाको वडा नं-५ , रुपाकोटमा सोनाम ल्होछार नजिकिदै गर्दा सिङ्गो तामाङहरुको हकहित र रितिरिवाज , सस्कारहरुलाई बढावा दिने मुख्य उद्देश्यका साथ ११ सदस्यीय तामाङ घेदुङको वडा स्तरिय समिती गठन भएको छ।  उक्त ११ सदस्यीय तामाङ घेदुङको वडा स्तरिय समितीको अध्यक्ष सुर्य बहादुर तामाङ , उपाध्यक्ष रेलिमाई तामाङ र अनिल तामाङ , सचिव रिजन तामाङ , सहसचिव बुद्ध तामाङ , कोषाध्यक्ष फुलामी तामाङ लगायत ११ सदस्यीय समितीको विभिन्न पदमा निर्विरोध चयन भएको छ।

गाउँपालिकाको तामाङ घेदुङको समितीको अध्यक्ष उतमलाल तामाङले उक्त कार्यक्रमको सभापतित्व गर्नु भएको थियो  केन्द्रिय तामाङ घेदुङ समितीको सदस्य सोनाम तामाङ उक्त कार्यक्रमको प्रमुख अतिथि हुनुहुन्थ्यो।  सो कार्यक्रममा वडा प्रतिनिधि चित्र बहादुर मानन्धर लगायत सुनापती-५ का लामा , बोन्बो , बुद्धिजीवी लगायत सम्पूर्ण सरोकारवालाहरुको बाक्लो उपस्थिती थियो।

उक्त कार्यक्रमको बारेमा गाउँपालिकाको तामाङ घेदुङको समितीको अध्यक्ष उतमलाल तामाङ र केन्द्रिय तामाङ घेदुङ समितीको सदस्य सोनाम तामाङले स्पष्ट पार्नुभयो।  वडा प्रतिनिधि , केहि लामा गुरु र बुद्धिजीवीहरुले नव गठित समितिलाई सफल कार्यकालको शुभकामना मन्तव्य राख्नु भएको  जानकारी नव गठित वडा स्तरिय तामाङ घेदुङ समितीको अध्यक्ष सुर्य बहादुर तामाङले खोज मिडियासँग बताउनुभयो।