रामेछापको डहु मा.वि.मा एक जनप्रतिनिधिले आफुले पाउने सबै तलव खर्च गरे विद्यार्थीको लागि

रोमन लामा
रामेछाप १४ माघ खोज मिडिया।
रामेछाप जिल्लाको सुनापती गाउँपालिका वडा नं -४ स्थित डहु माध्यमिक विद्यालय डहुको नाम साहेद देशकै अब्बल सामुदायिक विद्यालयको सुचीमा नदेखिएको र नसुनिएको बिरलै होलान। भौतिक हिसाबले होस् या शैक्षिक हिसाबले यो विद्यालय रामेछाप जिल्लाको अग्र पङ्गतिमा पर्दछ। यो विद्यालय नमूना सामुदायिक विद्यालय बन्नुमा शिक्षकहरुको  मेहेनत, लगनशिलता अनि एकता, दत्तचित्त भई अहोरात्र खट्नु हुने प्र.अ.को उच्च कार्य दक्षत्ता र केही नविनतम कार्य गर्ने इच्छा शक्ति , मिलनसार तथा मिहेनती विद्यार्थीहरु र   अभिभावकहरुको पनि उच्च देन छ ।

त्यसको ज्वलन्त उदाहारण बने आज सुनपाती-४ का वडा अध्यक्ष खड्का घिसिङ्ग। घिसिङ्ग डहु माध्यमिक विद्यालय डहुको शैक्षिक क्षेत्रमा प्रशासकीय जिम्मेवारी सहित करिब ३ दशक अगाडि देखि निरन्तर रुपमा अब्बल सामुदायिक विद्यालय निर्माणमा आम अभिभावकहरु सङ्गको प्रगाढ सम्बन्ध सहित अघि बढ्नु हुने हाल सुनापती गाउँपालिका वडा नं-४ को जन निर्वाचित वडा अध्यक्ष , सुनापती  शिक्षा समितिका संयोजक तथा श्री डहु माध्यमिक विद्यालय डहुको विद्यालय व्यवस्थापन समितिको सदस्य खड्का घिसिङले डहु माध्यमिक विद्यालय डहुको कक्षा नर्सरी देखि कक्षा ३ सम्म अध्ययनरत  १२५ जना विद्यार्थीहरुका लागि आफूले जनप्रतिनिधिको तलव भत्ता स्वरुप पाउने रकम मध्येबाट राज्यलाई  बुझाउनु कर बाहेकको सम्पूर्ण तलव भत्ता आजको मिति देखि बाँकी कार्यकाल रहेसम्मको सम्पूर्ण रकममध्येबाट केहि रकमको आज स्टेसनरी सामग्रीहरु वितरण गर्नु भएको  छ । बाँकी दिनहरुमा पनि बाँकी  रकमबाट स्टेसनरी सामग्रीहरु वितरण गर्नु हुने जनाउनु भएको छ ।

सो  कुराको जानकारी डहु माध्यमिक विद्यालय डहुको प्रधानाध्यापक दल बलले खोज मिडियालाई  बताउनुभयो । उक्त्त सहयोगको लागि प्र.अ. दल बहादुर बलले समाजसेवी ,राजनितिज्ञ  तथा जनप्रतिनिधि खड्का घिसिङ्गलाई विद्यालय परिवारको तर्फबाट उच्च सम्मानसहित हार्दिक कृतज्ञता व्यक्त गर्नु भयो।