रमेछापमा उज्यालो नेपालको नयाँ आशा दिप बहादुर योन्जन

रमेछापको मुटुमा जन्मेर त्यहीँको माटो र मानिसप्रति गहिरो समर्पण बोकेर अघि बढेका दिप बहादुर योन्जन अहिले उज्यालो नेपाल पार्टीबाट प्रतिनिधि सभा उम्मेदवारको रूपमा तीव्रगतिले जनताको मन जित्दै अघि बढिरहेका छ।

बिगत समयदेखि स्थानीय समस्या, विकासका आवश्यकता र युवाको भविष्यका सवालमा सक्रिय दिप बहादुर योन्जन “सुसासन, समृद्धि र सामाजिक न्याय” भन्ने उज्यालो नेपाल पार्टीको मूल धारणालाई व्यवहारमै उतार्ने प्रतिबद्धताका लागि चिनिन्छन्।

रमेछापका पहाडी बस्ती दुर्गम गाउ राम्थुङ्गामा जन्मेर रामेछापको बिभिन्न गाउ बस्ति शहर–बजारसम्म पुगेर उनले नागरिकसँग गरेको प्रत्यक्ष संवादले जनतामा विश्वास र भरोसा बढिरहेको छ। स्थानीयस्तरमै रोजगारी सिर्जना, दिगो पूर्वाधार, शिक्षा–स्वास्थ्यमा समान पहुँच र पारदर्शी शासन व्यवस्थाका विषयमा उनले प्रस्तुत गरेका योजनाले रमेछापका सर्वसाधारणले खोजिरहेको परिवर्तनको संकेत दिएको छ।

उनी भन्छन् “राजनीति पदको लागि होइन, समस्या समाधानको लागि हो। रमेछापको विकासलाई छिटो गति दिन अब वैकल्पिक नेतृत्वको जरुरत छ।”

उज्यालो नेपाल पार्टीको “बत्ती (प्रत्याशी तर्फ)” र “बासुरी (समानुपातिक तर्फ)” चुनाव चिह्नले प्रतीक गरेका आशा, उज्यालो र पारदर्शिताको संदेश दिप बहादुर योन्जनको अभियानसँगै रमेछापमा झन् तेजिलो बन्दै गएको छ।

स्थानीय युवादेखि वृद्धसम्म, किसानदेखि उद्यमीसम्म सबैलाई समेटेर अगाडि बढ्ने उनको शैलीले रमेछापमा नयाँ परिवर्तनको लहर चलाएको छ।